ખેડૂતોની રજુઆત છે કે રાજકોટ મહાનગરપાલિકા દ્વારા જેતે સમયે શહેરમાં પાણીની જરૂરિયાત હોય તે સમયે કરાર કરીને પાણીની માંગ કરી હતી. તેમજ અત્યાર સુધી ભાદર 1 ડેમમાંથી રાજકોટ શહેરને કેટલાક ટકા પાણી આપવા આવતું હતું. પરંતુ જે તે સમયે કરવામાં આવેલો કરાર પૂરો થઈ ગયો છે .
તેમજ હાલ રાજકોટ શહેરની સૌની યોજના મારફતે પાણી સમસ્યા કાયમી ઉકેલાઈ ગઈ છે. જેને લઈને ભાદર 1 ડેમની આસપાસના ખેડૂતોની માંગ છે. ભાદર 1 ડેમનો રાજકોટ શહેરને પાણી આપવાનો જે કરાર પૂર્ણ થયો છે, તેને ફરી રીન્યુ કરવામાં ન આવે, તેમજ ભાદર 1 ડેમનું પાણી માત્ર ખેડૂતોને સિંચાઈ માટે હોય તેને ખેડૂતો માટે અનામત રાખવામાં આવે.
આ સાથે જ ખેડૂતોએ ચીમકી ઉચ્ચારી છે, કે જો આગામી દિવસોમાં તેમની માંગ સ્વીકારવામાં નહિ આવે તો તેઓ આગામી દિવસોમાં ઉગ્ર આંદોલન પણ કરશે.
