ગોંડલના મોવિયા ગામે પિતાએ કરી પુત્રની હત્યા

રાજકોટઃ જિલ્લાના ગોંડલ તાલુકાના મોવિયા ગામના ગોવિંદનગરમાં પિતાએ પુત્રની હત્યા કરી હતી. આ હત્યામાં આરોપી પિતાની ધરપકડ ગોંડલ તાલુકા પોલીસે કરી હતી. પુત્રના મૃતદેહને પોસ્ટમોર્ટમ માટે મોકલી વધું તપાસ હાથ ધરી છે.

રાજકોટ જિલ્લાના ગોંડલ તાલુકાના મોવિયા ગામમાં ગોવિંદનગર ખાતે રહેતા નિતેશ કેશુભાઈ ચાંગેલા (ઉમર વર્ષ 40)ની તેના પિતા કેશુભાઈએ હત્યા કરી હતી. મૃતકના ઘરમાં તેના પિતાએ માથામાં કોંશના ઘા મારી હત્યા કરી હતી.

સમગ્ર ઘટનાની જાણ ગોંડલ તાલુકા પોલીસને થતા પોલીસ ઘટના સ્થળે પહોંચી હતી. જે બાદ પોલીસે આરોપી પિતાની ધરપકડ કરી હતી. મૃતદેહને પોસ્ટમોર્ટમ માટે ગોંડલ મોકલી વધુ તપાસ હાથ ધરી હતી. મૃતક નિતેશને બે પુત્રોનો પિતા છે. પિતાએ ક્યાં કારણોસર પુત્રની હત્યા કરી છે, તેનું રહસ્ય અકબંધ છે.

ગોંડલ તાલુકાના મોવિયા ગામે પિતાએ પુત્રની કરી હત્યા