રાજકોટના કોટડાસાંગાણી વિસ્તારમાં આવેલા માણેકવાળા ગામના રાજેશ નાનજીભાઈ સૌંદરવા નામના દલિત યુવાનની ગામના ક્ષત્રિય સમાજના યુવાનો દ્વારા તલવાર જેવા ઘાતકી હથિયારો વડે ઢોર માર માર્યો હતો. જેને પગલે રાજકોટ સિવિલ હોસ્પિટલમાં સારવાર યુવાનને દાખલ કરવામાં આવ્યો હતો. યુવાનનું સારવાર દરમિયાન મોત થયું હતું.
રાજકોટમાં દલિત યુવાનની હત્યા મામલે જીગ્નેશ મેવાણીની પ્રતિક્રિયા યુવાનનું મોત થતા મોટી સંખ્યામાં દલિત સમાજના લોકો હોસ્પિટલ ખાતે દોડી આવ્યા હતા. યુવાનના મૃતદેહને સ્વીકારવાનો ઇન્કાર કર્યો હતો. જેને પગલે શહેરના દલિત આગેવાનો હોસ્પિટલ ખાતે દોડી આવ્યા હતા. ત્યારબાદ શહેરના હોસ્પિટલ ચોક ખાતે મોટી સંખ્યામાં દલિત સમાજના લોકો દ્વારા વિવિધ માંગ સાથે ચક્કાજામ કર્યો હતો. સમગ્ર મામલાની જાણ અપક્ષ ધારાસભ્ય જીગ્નેશ મેવાણી થતા તેઓ પણ રાજકોટ ખાતે દોડી આવ્યા હતા. જિલ્લા કલેક્ટરને સમગ્ર મામલે રજૂઆત કરી હતી.
