રાજકોટ: કોરોનાને પગલે અક્ષરમંદિર 10 દિવસ બંધ, રાજકોટ-અમદાવાદ રૂટની ST બસ બંધ

અમદાવાદમાં વધી રહેલા કોરોના સંક્રમણને કારણે અન્ય શહેરોમાં પણ લોકો અને તંત્ર બંને વધારે જાગૃત બન્યા છે. રાજકોટ શહેરમાં કોરોનાને પગલે કેટલીક એસટી બસોના રૂટ બંધ કરવામાં આવ્યા છે. ચા અને પાનની દુકાનો પર ચેકિંગ હાથ ધરવામાં આવ્યું છએ અને જરૂર પડ્યો દુકાનોને સીલ કરવામાં આવી છે.

• રાજકોટ- અમદાવાદ ST બસના રૂટ બંધ કરવામાં આવ્યા
  કોરોના મહામારીને લઈને રાજકોટ BAPS સ્વામિનારાયણ મંદિર 10 દિવસ બંધ કરાયું
  ચા-પાનની દુકાનો પર ચેકીંગ હાથ ધરવામાં આવ્યું
  

રાજકોટ: કોરોનાને લઈને શહેરમાં તંત્ર દ્વારા ચેકીંગ હાથ ધરવામાં આવતા 6 હોટલ અઠવાડિયા સુધી સીલ કરવામાં આવી છે. આ સાથે જ અક્ષરમંદિર ૧૦ દિવસ દર્શનાર્થીઓ માટે બંધ રહશે. તેમજ રાજકોટ - અમદાવાદ બસના ૧૦૦ જેટલા રૂટ પણ બંધ કરવામાં આવ્યા છે.

રાજકોટમાં ભીડ એકઠી થતી હોય તેવી ચા-પાનની દુકાનો અઠવાડિયા સુધી સીલ
રાજકોટમાં કોરોનાની મહામારીમાં લોકો ભેગા થતા હોટલ અને દુકાનો પર તંત્રએ ચેકીંગ કરતા 6 હોટલ 7 દિવસ માટે સીલ કરી દીધી છે. રાજકોટ શહેરમાં કોરોના બેકાબુ બની જતા તંત્ર ફરી હરકતમાં આવ્યું ત્યારે આજે મહાનગરપાલિકા દ્વારા લોકો ભેગા કરતા એકમો ઉપર તવાઈ બોલાવવામાં આવી હતી. જેમાં લીમડા ચોકમાં આવેલી જય મોમાઈ પાન, મોમાઈ ટી સ્ટોલ એન્ડ હોટેલ, રામાપીર ચોકડી દેવજીવન હોટલ, હરસિધ્ધિ ડીલક્ષ પાન, રાજનગર ચોકની જય સિયારામ હોટલ અને આનંદ બંગલા ચોકની રવેચી ટી સ્ટોલને સીલ કરવામાં આવી છે.

અમદાવાદમાં કરફ્યૂના પગલે રાજકોટથી અમદાવાદ જતી 100 જેટલી એસટી બસોના રૂટ બંધ

અમદાવાદમાં કોરોનાનેે કાબુમાં લેવા માટે તંત્ર દ્વારા આજ રાતથી ST બસના પૈડાઓ થંભાવી દેવામાં આવ્યા છે. જેના પગલે રાજકોટથી અમદાવાદ જતી 100 જેટલી સરકારી બસોના રૂટ રદ કરી દેવામાં આવ્યા છે. જેથી અમદાવાદ તરફ જતા પ્રવાસીઓને હાલાકીનો સામનો કરવો પડી રહ્યો છે. બીજી તરફ અન્ય શહેરની બસો પણ રાજકોટથી અમદાવાદ જશે નહીં.

રાજકોટ-અમદાવાદ રૂટની ST બસ બંધ

કોરોનાની મહામારીને લઈને BAPS સ્વામિનારાયણ મંદિર દ્વારા એક મહત્વનો નિર્ણય લેવાયો
સ્વામિનારાયણ મંદિરમાં આગામી 10 દિવસ સુધી ભક્તજનોને પ્રવેશ આપવામાં આવશે નહીં. ત્યારે રાજકોટ BAPS સ્વામિનારાયણ મંદિર ટ્રસ્ટ દ્વારા કોરોના કહેર વચ્ચે ભક્તજનો માટે મંદિર બંધ રાખવાનો નિર્ણય કરવામાં આવ્યો છે.