રાજકોટમાં કોરોનાનો કહેર યથાવત, વધુ ચાર દર્દીઓના મોત

રાજકોટમાં સતત કોરોનાના કેસમાં વધારો થતો જાય છે. ત્યારે કોરોનાના દિવસેને દિવસે વધુ કેસ સામે આવી રહ્યા છે. જ્યારે શુક્રવારે એક જ દિવસમાં કોરોનાથી 4 લોકોના મોત નિપજ્યાં છે.

• રાજકોટમાં સતત કોરોનાનો વધતો કહેર
• વધુ ચાર દર્દીઓના મોત નિપજ્યાંં
• રાજકોટમાં કાતિલ બનતો કોરોના

રાજકોટઃ સતત કોરોનાનો વધતો કહેર જોવા મળી રહ્યો છે, ત્યારે શુક્રવારે વધુ ચાર દર્દીઓના કોરોનાના કારણે મોત નિપજ્યા છે. રાજકોટના પરાપીપળીયા વિસ્તારમાં 63 વર્ષના વૃદ્ધા, જ્યારે જામનગર રોડ પર આવેલા ગ્રીન એપાર્ટમેન્ટમાં રહેતા 30 વર્ષના પુરુષ, એરપોર્ટ રોડ શીતલ પાર્કમાં રહેતા 68 વર્ષના વૃધ્ધ અને શહેરના રૈયા રોડ વિસ્તારમાં રહેતા 48 વર્ષના મહિલા દર્દીઓના મોત નિપજ્યાં છે.

બીજી તરફ રાજકોટ આરોગ્ય તંત્ર દ્વારા અત્યાર સુધીમાં કેટલા દર્દીઓના કોરોનાના કારણે મોત થયા છે તે આંકડો સત્તાવાર આપવામાં આવી નથી રહ્યો. તંત્ર દ્વારા દરરોજ માત્ર કોરોના પોઝિટિવ રિપોર્ટના દર્દીઓના જ નામ અને આંકડા જાહેર કરવામાં આવી રહ્યા છે, પરંતુ મોતના આંકડા હજુ સુધી જાહેર નહિ કરવામાં આવતા, આ મામલે શહેરમાં ચર્ચાનો વિષય બન્યો છે.