પાર્ટી જૂના સૈનિકોને સક્ષમતા મુજબ જવાબદારી સોંપે છેઃ રામભાઇ મોકરિયા

ભાજપે રાજ્યસભાની ખાલી પડેલી બેઠક માટે રામભાઈ મોકરિયાનું નામ જાહેર કર્યું છે. રામભાઈ મોકરિયા બિઝનેસમેન છે ત્યારે તેનો અનુભવનો ઉપયોગ સારો હોવાથી તેને ઘણો ફાયદો મળશે. ત્યારે Etv Bharat દ્વારા રામભાઈ મોકરિયા સાથે ખાસ વાતચીત કરવામાં આવી હતી.

• રાજ્યસભાની ખાલી પડેલી 2 બેઠક માટે ભાજપને નામ કર્યા જાહેર
• રામભાઈની કંપની સૌરાષ્ટ્ર વિસ્તારમાં હોટેલ, ટ્રાન્સપોર્ટ, રિયલ એસ્ટેટ ક્ષેત્રે પણ કાર્યરત
• રાજ્યસભાની એક બેઠક ફરી રાજકોટના ફાળે આવે તેવી શક્યતા

રાજકોટ: તાજેતરમાં જ રાજ્યસભાના સાંસદ એવા અભય ભારદ્વાજનું અવસાન થયું હતું. જ્યારે કોંગ્રેસના અહેમદ પટેલનું અવસાન થયું હતું. જેને લઇને ગુજરાતમાં રાજ્યસભાની બે બેઠકો ખાલી થઈ હતી. જેને લઈને ચૂંટણી પંચ દ્વારા ગુજરાતની બે બેઠકો માટે રાજ્યસભાની ચૂંટણી જાહેર કરવામાં આવતા ભાજપ દ્વારા ફરી એક બેઠક પર રાજકોટના રામભાઈ મોકરિયા નામની પસંદગી કરવામાં આવી છે.

રામભાઇ મૂળ પોરબંદરના...

રામભાઈ મોકરિયા ABVP કાર્યકર્તા છે. તેઓ મૂળ પોરબંદરના નિવાસી છે. તેઓ હાલ રાજકોટમાં કાર્યરત છે. તેઓ મારુતિ કુરિયરના મલિક છે અને ભાજપ સાથે વર્ષોથી જોડાયેલા છે. રામભાઈની કંપની સૌરાષ્ટ્ર વિસ્તારમાં હોટેલ, ટ્રાન્સપોર્ટ, રિયલ એસ્ટેટ ક્ષેત્રે પણ કાર્યરત છે.