રાજકોટ: ભગવતી ગૌશાળામાં ગાયોને સેનેટાઈઝ કરાઈ

કોરોનાની મહામારીના કારણે રાજકોટમાં ગોંડલ ચોકડી નજીક આવેલી ભગવતી ગૌશાળામાં રહેલી ગાયોને સેનેટાઇઝ કરવામાં આવી હતી.

રાજકોટ: હાલમાં સમગ્ર વિશ્વ કોરોના વાઇરસની મહામારીનો સામનો કરી રહ્યા છે, ત્યારે આ વાઇરસ પશુમાં દેખાયો નથી, જેથી પહેલેથી જ સાવચેતી રાખવામાં આવી છે. જેથી આ વાઇરસ પશુઓમાં ફેલાય નહીં.

જેને લઈને રાજકોટના ગોંડલ ચોકડી નજીક આવેલી ભગવતી ગૌશાળા દ્વારા પોતાની ગૌશાળામાં હાલ રાખવામાં આવેલી ગાયોને સેનેટાઇઝ કરવામાં આવી હતી. બીજલભાઈ ચાવડિયા દ્વારા આ અનોખું કાર્ય કરવામાં આવ્યું હતું. તેમને જણાવ્યું હતું કે, હાલ માનવોમાં આ મહામારી બેકાબૂ થઈ રહી છે, ત્યારે અબોલ પશુઓ આ મહામારીની ઝપેટમાં ન આવે તે માટે અમે ગાયોને સેનેટાઇઝ કરી છે. જેથી કરીને તેમને કોરોના વાઇરસનો ચેપ લાગે નહીં.

ઉલ્લેખનીય છે કે, આ ગૌશાળામાં અંદાજીત 20 કરતા વધુ ગાયોને રાખવામાં આવી છે. આ તમામ ગાયોને હાલ સેનેટાઇઝ કરવામાં આવી છે.