શહેર બાદ હવે ગામડાઓનો વારો, રાજકોટના થોરીયાળી ગામમાં 35 લોકોના મૃત્યું

રાજકોટ શહેર વિસ્તારને કોરોનાએ ધમરોળી લીધા પછી હવે વારો ગામડાઓનો આવ્યો છે. રાજકોટના થોરીયાળી ગામમાં 35 લોકોના કોરોનાને કારણે મૃત્યું થતા ગામનો મહોલ ગમગીન છે.

• ગ્રામ્ય વિસ્તારમાં કોરોનાને કારણે પરિસ્થિતિ ખરાબ
• રાજકોટના થોરીયાળી ગામમાં 35 લોકોના મૃત્યું
• ગામજનો માગી રહ્યા છે સરકાર પાસે મદદ

રાજકોટઃ સમગ્ર દેશમાં કોરોનાના કારણે હજારો લોકો મોતને ભેટ્યા છે. કોરોનાની બીજી લહેરમાં શહેરો સાથે ગ્રામ્ય વિસ્તારોમાં અસર જોવા મળી છે. રાજકોટ શહેર સાથે જિલ્લામાં પણ કોરોનાના પોઝિટિવ કેસ વધ્યા છે. રાજકોટ નજીક આવેલ પડધરી તાલુકાના થોરીયાળી ગામમાં હાલ આરોગ્ય કેન્દ્ર પર માત્ર કોરોના ટેસ્ટ કરવામાં આવી રહ્યા છે અને કોરોનાને લઈને બીજી અન્ય કોઈ સુવિધાઓ ઉપલબ્ધ નથી.

ગામમાં 35 લોકોના મૃત્યું

પડધરી તાલુકાના થોરીયાળી ગામમાં કોરોનાની બીજી લહેરમાં 35 લોકોનો ભોગ લીધો છે. શનિવારે ગ્રામજનોએ 35 મૃતકના ફોટા સાથે પોતાની વેદના રજૂ કરી હતી. ગામનો મહોલ ગમગીન છે. ગામમાં કોરોનાને કારણે પરિસ્થિતિ ખુબજ ખરાબ છે. ગામમાં કોરોનાની સારવાર ક્યા અને કેવી રીતે કરાવવી એ મોટો પ્રશ્ન છે કારણ ગામના આરોગ્ય કેન્દ્રમાં કોઈ સુવિધા જ નથી.

શહેર બાદ હવે ગામડાઓનો વારો, રાજકોટના થોરીયાળી ગામમાં 35 લોકોના મૃત્યું

આ પણ વાંચો : રાજકોટ તાલુકાનું ગુંદાળા ગામના મજૂરોને વિનામૂલ્યે અનાજ- શાકભાજીનું વિતરણ

તંત્ર હજુ પણ નિદ્રાધીન

થોરીયાળી ગામની અંદર 35 લોકોના કોરોનાથી મૃત્યુ થયા છે અને હાલમાં 9 વ્યક્તિ હાલમાં ગંભીર છે. ગામની પરિસ્થિતિ અંગે સરકારી અધિકારીઓને જાણ કરવા છતાં કોઇ પગલા લેવામાં આવતા નથી.ગ્રામજનો સરકારને પોકાર કરતા હોય તેવા દ્રશ્યો જોવા મળ્યાં હતા. ગ્રામજનોએ કહ્યું હતું કે, અમારા ગામની પરિસ્થિતિ ખૂબ જ ભયંકર છે. ગ્રામ્ય વિસ્તારની સાચી હકીકત તો ગામડાઓમાં આવો તો ખબર પડે.

ગ્રામ્ય વિસ્તારમાં સુવિધાનો અભાવ

ગામના સરપંચ ગોવિંદભાઇ નથુભાઇ પેઢડીયાએ જણાવ્યું હતું કે, થોરીયાળી ગામની વસ્તી 4500થી 5000ની છે. ગામમાં સમાજની વાડી મોટી છે પરંતુ ત્યાં કોઇ સુવિધા નથી. ગ્રામ્ય વિસ્તારની વાસ્તવિક સ્થિતિ ખૂબ જ ખરાબ છે.ગામલોકો જાતે સુવિધા ઉભી કરીએ તો પરિસ્થિતિમાં સુધારો આવી શકે તેમ છે બાકી સરકાર પાસેથી આશા છોડી દીધી છે.