રાજકોટ આર.આર. સેલનો સપાટો, દ્વારકાના કલ્યાણપુરમાંથી થતી 14.42 કરોડની ખનીજ ચોરી પકડી

રાજકોટ આર.આર. સેલે સપાટો બોલાવ્યો છે. દ્વારકાના કલ્યાણપુરમાંથી થતી 14.42 કરોડની ખનીજ ચોરી પકડીને 8 આરોપીની ધરપકડ કરવામાં આવી હતી.

રાજકોટ : રેન્જ આઇજી સંદીપ સિંહની સૂચના હેઠળ રાજકોટ આર.આર. સેલની ટીમે પીએસઆઈ વી.બી. ચૌહાણની આગેવાની હેઠળ દેવભૂમિ દ્વારકા જિલ્લાના કલ્યાણપુર વિસ્તારમાંથી ગેરકાયદેસર ખનનની પ્રવૃતિ કરતા આશરે અઢી કરોડના વાહનો સહિત જમીન માલિક અને 8 લોકોની ધરપકડ કરી હતી.

દ્વારકાના કલ્યાણપુરમાંથી થતી 14.42 કરોડની ખનીજ ચોરી પકડાઇ

જેમાં પોલીસે વાલાભાઇ કુલજીભાઇ પરમાર, ભાવેશભાઇ ગોવાભાઇ સુવા, રમેશભાઇ ભીખાભાઇ કરંગીયા, હમીરભાઇ નગાભાઇ કાંબરીયા, મારખીભાઇ નેભાભાઇ બેલા, રતનજીભાઇ હમીરભાઇ મોરી, ધાધાભા રાયમલભા સહિત તમામની ધરપકડ કરી કરોડો રૂપિયાની ખનીજ ખનનની હેરાફેરી કરતા ઇસમો ઉપર કાયદેસરની કાર્યવાહી શરૂ કરી છે. રાજકોટની આર.આર. સેલે અત્યાર સુધીની સૌથી મોટી ખનીજ ચોરીની પોલ ખોલી છે. જેમાં અંદાજે 14.42 કરોડની ઐતિહાસિક ખનીજચોરી ઝડપી પાડી છે.