સૌરાષ્ટ્રની રાજધાની ગણાતા એવા રાજકોટમાં છેલ્લા ત્રણ વર્ષથી મનપાના સહયોગથી ચિત્રનગરી પ્રોજેકટ ચાલી રહ્યો છે. આ પ્રોજેકટ અંતર્ગત રાજકોટની અલગ-અલગ સરકારી તેમજ ખાનગી ઇમારતોમાં સોશિયલ મેસેજ દર્શાવતા ચિત્રો બનાવામાં આવે છે. અત્યાર સુધીની વાત કરીએ તો રાજકોટ મહાનગપાલિકા હસ્તકની મોટાભાગની બિલ્ડીંગ તેમજ દીવાલો, કોલેજ, સ્કૂલની દીવાલો એરપોર્ટ, રેવલે સ્ટેશન તેમજ સેન્ટ્રલ જેલ અને અન્ડર બ્રિજ સહિતની દીવાલો પણ આ ચિત્રો બનવામાં આવ્યા છે. ચિત્રનગરી પ્રોજેક્ટ અંતર્ગત આ દીવાલો પર સ્વચ્છ ભારત, વૃક્ષા રોપન, પર્યાવરણ, બેટીબચાવો બેટીપઢાઓ, શિક્ષણ, ટ્રાફિક અવરનેશ, પાણી બચાઓ સહિતના મેસેજ આપતા ચિત્રો બનાવવામાં આવે છે.
આ ચિત્રો બનાવનાર કલાકારો પણ કોઈ પણ જાતની ફી કે અન્ય કોઈ આર્થિક સહાય લીધા વિગર માત્ર રાજકોટની સુંદરતામાં વધારો કરતા અને રાજકોટને સ્વચ્છ રાખવા માટે ની:શુલ્ક પોતાની સેવા આપી રહ્યા છે. ચિત્રનગરી પ્રોજેકટ અંતર્ગત 1200થી પણ વધુ ચિત્રકારો આ મિશનમાં જોડાયા હતા. જેમાં નાનાં નાનાં બાળકોથી માંડીને વિદ્યાર્થીઓ, યુવાનો અને મહિલાઓનો સમાવેશ થાય છે. દેશમાં ચાલી રહેલા સ્વચ્છ અભિયાનના ભાગરૂપે રાજકોટમાં પણ શહેરની સાથે શહેરની દીવાલો પણ વધારે સુંદર બને તે માટે છેલ્લા ત્રણ વર્ષથી સત્તત ચાલી રહેલા ચિત્રનગરી પ્રોજેકટ અંતર્ગત રાજકોટની અનેક દીવાલોને સુંદર મજાના ચિત્રો થઈ કંડારવામાં આવી છે. રાજકોટમાં પ્રર્વેશતાની સાથે જ લોકોને આ અવનવા રંગબેરંગી મેસેજ આપતા હોય તેવા ચિત્રો જોવા મળે છે. જે ખરા અર્થમાં સાર્થક કરે છે કે રાજકોટ એક રંગીલુ શહેર છે.
