રાજકોટ જિલ્લામાં પ્રધાનમંત્રી આવાસ યોજનો 1 હજાર લાભાર્થીએ લીધો લાભ

દેશભરમાં પ્રધાનમંત્રી આવાસ યોજના અંતર્ગત સરકાર દ્વારા સહાય આપવામાં આવે છે. આ યોજનાનો મુખ્ય ઉદ્દેશ રાજ્યના ગ્રામિણ વિસ્તારોમાં વસતા ઘર વિહોણા લાભાર્થીઓને તથા કાચા અને જર્જરિત મકાનમાં રહેતા પરિવારોને પાયાની સુવિધાઓ સાથેનું પાકુ આવાસ પુરુ પાડવામાં આવે છે. રાજકોટ ગ્રામ્ય વિસ્તારમાં છેલ્લા ત્રણ વર્ષમાં 1 હજાર લાભાર્થીઓને જ લાભ મળ્યો છે.

રાજકોટ: દેશમાં ગરીબ અને મધ્યમ વર્ગના પરિવારોને પોતાના ઘરનું ઘર મળી રહે તેના માટે પ્રધાનમંત્રી આવાસ યોજના અંતર્ગત સહાય આપવામાં આવે છે. આ યોજના હેઠળ ઘરવિહોણા તમામ લોકોને પાકા મકાનો બનાવવા માટે તથા જર્જરીત મકાનોમાં રહેતા લોકોને પણ પાકા મકાનો બાંધવા માટે નાણાંકિય સહાય પુરી પાડવામાં આવે છે. જેમાં કુલ મળીને અંદાજીત રૂપિયા દોઢ લાખની સહાય સરકાર દ્વારા અરજદારને આપવામાં આવે છે. જ્યારે કોઈ પણ લાભાર્થી આ યોજના અંતર્ગત અરજી કરે અને જો તે લાભ મેળવવા માટે સક્ષમ હોય તો તેને પ્રથમ હપ્તા પ્રમાણે રૂપિયા 1.20 લાખ ચૂકવામાં આવે છે. ત્યારબાદ આ જ યોજના અંતર્ગત શૌચાલય બનાવા માટે રૂપિયા 12હજાર પણ મળે છે અને અંતમાં ત્રણ મહિના માટે મનરેગામાં પણ 90 દિવસની રોજગારી મળે છે. જેમાં રૂપિયા 18 હજારની રકમ મળવા પાત્ર થાય છે.

આ સમગ્ર મામલે રાજકોટમાં હાલ પ્રધાનમંત્રી આવસ યોજનાની શુ પરિસ્થિતિ છે તે જાવા માટે ETV ભારત દ્વારા રાજકોટ ગ્રામ્ય વિકાસ સહાય એજન્સીની મુલાકાત લેવામાં આવી હતી. જેમાં સામે આવ્યું હતું કે પ્રધાનમંત્રી આવાસ યોજના શરૂ થઈ ત્યારથી એટલે કે વર્ષ 2016-17થી અત્યાર સુધીમાં રાજકોટ જિલ્લાના ગ્રામ્ય વિસ્તારોમાં 1300 જેટલા લાભાર્થીની સહાય મંજુર કવામાં આવી છે. જેમાંથી અત્યારે 1 હજાર જેટલા લાભાર્થીઓને પોતાના ઘરનું ઘર પણ મળી ગયું છે.

અગાઉ પ્રધાનમંત્રી આવાસ યોજનાનું નામ ઇન્દિરા આવાસ યોજના હતું. જે યોજના અંતરગ પણ ઘણા લાભાર્થીએ સહાયનો લાભ લીધો છે. સામાન્ય રીતે જે પણ મધ્યમ અથવા ગરીબ પરિવારના લોકો પોતાના ઘરનું ઘર બનાવવા માંગતા હોય, તેમજ તેમને ગામમાં પ્લોટની ફાળવણી સરકાર દ્વારા કરવામાં આવી હોય અથવા તેમની પાસે ઘર બનાવવા માટે પોતાની માલિકીનો પ્લોટ હોય. તેવા લોકો સરકારના નીતિ નિયમ મુજબ આ યોજના અંતર્ગત અરજી કરી શકે છે.

તેમજ કેન્દ્ર અને રાજ્ય સરકાર સાથે મળીને આ યોજનાનો લાભ લાભાર્થીને આપે છે. આ યોજનામાં અરજી કરવી પણ હવેથી સરળ બની છે. તેમજ સહાય પણ સરકાર દ્વારા લાભાર્થીઓના બેન્ક ખાતામાં જ સીધી ચુકવવામાં આવે છે. જેને લઈને લાભાર્થીઓને પૈસા માટે ઓફિસના ધક્કા ખાવાની જરૂર પડતી નથી. પ્રધાનમંત્રી આવાસ યોજના અંતર્ગત સરકાર દ્વારા મધ્યમ અને ગરીબ વર્ગના લોકોને પોતાના ઘરનું ઘર મળી રહે તે માટે સહાય આપવામાં આવે છે પરંતુ રાજકોટ ગ્રામ્ય વિસ્તારમાં છેલ્લા ત્રણ વર્ષમાં માત્ર 1300 લાભાર્થીઓને આ સહાયનો લાભ મળ્યો છે. જેમાંથી હાલ 1 હજાર જેટલા આવાસ બની પણ ગયા છે.