રાજકોટ: ગોંડલ તાલુકા પોલીસ મથક પાસે ત્રિપલ અકસ્માત, 1નું મોત

રાજકોટ: ગોંડલ નેશનલ હાઈવે ગુંદાળા ચોકડી પાસે તાલુકા પોલીસ સ્ટેશન નજીક રાત્રીના ત્રણ વાગ્યે કારે બાઇક અને મીની ટ્રેક્ટરને અડફેટે લેતા અકસ્માત સર્જાયો હતો. આ દુર્ઘટનામાં નવાગામના યુવાનનું મોત નીપજયું હતું. જ્યારે અન્ય ઘાયલ યુવાનને સારવાર માટે હોસ્પિટલ ખસેડવામાં આવ્યો હતો.

ગોંડલ માર્કેટિંગ યાર્ડમાં દૂરદૂરથી ખેડૂતો ડુંગળી વેચવા માટે આવી રહ્યા છે. ત્યારે જેતપુર નવાગામથી મીની ટ્રેક્ટરમાં ડુંગળી ભરી વેચવા આવેલ અરવિંદભાઈ બાબુભાઈ કયાડા અને તેમની સાથે મોટર સાયકલમાં રહેલા વિનુભાઈ સામતભાઈ સોલંકીને ટાટા માંજા GJ-3EC 8723ના ચાલક ચિરાગ ધર્મેશભાઈ મિસ્ત્રી ,ઉંમર વર્ષ 17એ અડફેટે લેતા સર્જાયેલા અકસ્માતમાં અરવિંદભાઈનું કમકમાટીભર્યું મોત નીપજ્યું હતું. જ્યારે વિનુભાઈને ઇજા થતા સારવાર માટે હોસ્પિટલ ખસેડાયા હતા. અકસ્માત અંગેની તપાસ સીટી પોલીસના જમાદાર રાજદીપસિંહ ચુડાસમાએ હાથ ધરી હતી.