પોરબંદરમાં ગલુડિયાને ક્રૂર રીતે મારતો વીડિયો વાઇરલ : પશુ પ્રેમીઓએ નોંધાવી પોલીસ ફરિયાદ

પોરબંદરના ઝુંડાળા વિસ્તારમાં એક યુવાન લાકડી વડે કુતરાના બચ્ચાને ક્રૂર રીતે માર મારી મોતને ઘાટ ઉતારતા લોકોમાં રોષ ભભૂક્યો છે. જેના પગલે આ કૃત્ય કરનાર વિરૂદ્ધ પોલીસમાં ફરીયાદ નોંધાવાઇ છે.

પોરબંદર : આજે સોમવારે સોશિયલ મીડિયા પર ઝુંડાળા વિસ્તારમાં રહેતા એક યુવાને કુતરાના બચ્ચાને બેરહેમીથી લાકડી વડે માર મારી મોતને ઘાટ ઉતાર્યું હતું. જેનો વીડિયો સોશિયલ મીડિયામાં વાઇરલ થતા જીવદયા પ્રેમી બર્ડ એન્ડ એનિમલ લવર ગ્રુપના સભ્યો ઘટના સ્થળે દોડી ગયા હતા. તે સમયે આ કૃત્ય કરનાર યુવાને થાય તે કરી લેજો તેવું જણાવ્યું હતું.

ગલુડિયાને ક્રૂર રીતે મારતો વીડિયો વાઇરલ : પશુ પ્રેમીઓએ નોંધાવી પોલીસ ફરિયાદ

જીવ દયા પ્રેમીઓએ આ યુવાન પર કડકમાં કડક કાર્યવાહી કરવા પોલીસને જણાવ્યું હતું અને યુવાન વિરુદ્ધ કમલાબગ પોલીસ સ્ટેશનમાં એનિમલ એકટ અંતર્ગત ફરિયાદ નોંધાવી હતી, ત્યારે મેનકા ગાંધીની સામાજિક સંસ્થા પીપલ ફોર એનિમલના હેમલ મહેતાએ પણ કડક કાર્યવાહી કરવાની માગ કરી છે.