બંગાળની ખાડીમાં લો-પ્રેસર સર્જાતા આગામી 24 કલાકમાં વધુ સાઇક્લોનિક સર્ક્યુલેશન થશે જે લો પ્રેશરમાં તબદિલ થતા હવામાન વિભાગ દ્વારા આગામી 1 ઓક્ટોબર સુધી સૌરાષ્ટ્ર સહિત રાજ્યના અનેક વિસ્તારોમાં ભારેથી અતિભારે વરસાદની શક્યતાઓ દર્શાવાઈ છે. જેથી પોરબંદરના બંદરે ત્રણ નંબરનું સિગ્નલ લગાવાયું છે. પોરબંદરમાં આવેલ ચોપાટી ગ્રાઉન્ડ ખાતે વરસાદી પાણી ભરાયા હોવાથી આ તમામ પાણીનો નિકાલ કરવાની વ્યવસ્થા પણ કરવામાં આવી છે. જેથી દર વર્ષની જેમ આ વર્ષે પણ ત્યાં વિવિધ સંસ્થાઓ દ્વારા ગરબીનું આયોજન કરી શકાય. તો આગાહીના પગલે અનેક નવરાત્રી આયોજકોએ વેલકમ નવરાત્રીનું આયોજન મોફૂક રાખ્યું છે અને પોરબંદરના દરિયાકિનારે તમામ માછીમારો પોતાની બોટ લઈને પરત આવી ચૂક્યા છે.
પોરબંદરના બંદર પર ત્રણ નંબરનું સિગ્નલ લગાવાયું, સૌરાષ્ટ્રમાં ત્રણ દિવસ ભારે વરસાદની આગાહી