પોરબંદર વનવિભાગે સસલાનો શિકાર કરનારને ઝડપી પાડ્યો

પોરબંદરના કેશવ ગામમાં પોલીસે એક શખ્સને એક મૃત સસલુ અને 2 સુતરાના મોટા મેવટા સાથે ઝડપી પાડ્યો હતો.

પોરબંદરઃ જિલ્લાના કેશવ ગામના રેવન્યુ વિસ્તારમાં તારીખ 28 મે ના રોજ બગવદરમાં રહેતો નવઘણ પરબત પરમાર પ્લાસ્ટીકની બેગમાં સસલાનો ગેરકાયદેસર શિકાર કરી લઇ જતો હતો.

આ દરમિયાન વનવિભાગના કર્મચારીઓ તેને ઝડપી પાડ્યો હતો. પોલસે તેની તપાસ કરતાં બેગમાંથી એક મૃત સસલુ અને સુતરાના મોટા મેવટા નંગ 2 ગેરકાયદેસર શિકાર કરેલા મળી આવ્યાં હતાં.

આ બાબતે નાયબ વન સંરક્ષક ડી જે પંડ્યાના માર્ગદર્શન હેઠળ વન્યપ્રાણી સંરક્ષણ અધિનિયમ 1972 કલમ નંબર-9 મુજબ ગુનો નોંધી આ શખ્સ પાસેથી એડવાન્સ દંડ 25000 વસૂલ કરવાની કાર્યવાહી હાથ ધરી હતી.