પોરબંદરના કન્ટેઇન્ટમેન્ટ તથા બફર ઝોન વિસ્તારમાં આરોગ્ય ટીમે સર્વે કર્યો

પોરબંદર જિલ્લામાં વધતા કોરોનાના સંક્રમણને લઇને તંત્ર દ્વારા અનેક પગલા લેવામાં આવી રહ્યા છે. કોરોના પોઝિટિવ કેસ નોંધાતા અર્બન હેલ્થ સેન્ટર છાંયાના મેડીકલ સ્ટાફ દ્વારા ઘરે ઘરે જઇને 945 જેટલા લોકોની આરોગ્ય તપાસણી કરવાની સાથે કોરોનાથી સાવચેત રહેવા જરૂરી માર્ગદર્શન આપ્યુ હતુ.

પોરબંદરઃ જિલ્લાનાં છાંયા શહેર વિસ્તારમાં કોરોના પોઝિટિવ કેસ નોંધાયા બાદ જિલ્લા વહિવટીતંત્ર દ્વારા જાહેર કરાયેલા કન્ટેઇન્ટમેન્ટ વિસ્તાર તથા આજુબાજુના બફર ઝોન વિસ્તારમાં કોરોના વાઇરસના ઝડપી સંક્રમણને રોકવા જિલ્લા આરોગ્ય વિભાગની ટીમ તથા અર્બન હેલ્થ સેન્ટર છાંયાના મેડીકલ સ્ટાફે કામગીરી હાથ ધરી છે. જે અંતર્ગત મેડીકલ ટીમે ઘરે ઘરે જઇને 945 જેટલા લોકોની આરોગ્ય તપાસણી કરવાની સાથે કોરોનાથી સાવચેત રહેવા જરૂરી માર્ગદર્શન આપ્યુ હતુ. કન્ટેઇન્ટમેન્ટ વિસ્તારમાં આયુષ દવાનું વિતરણ કરવાની સાથે અહીં રહેતા તમામ લોકોની આરોગ્ય તપાસણી કરવામાં આવી હતી.

પોરબંદરના કન્ટેઇન્ટમેન્ટ તથા બફર ઝોન વિસ્તારમાં આરોગ્ય ટીમે સર્વે કર્યો

આરોગ્ય વિભાગના કર્મચારીઓ, ડૉકટર્સ ઘરે ઘરે જઇને 5 વર્ષ સુધીના બાળકો, 60 વર્ષથી વધુ ઉમરના વૃદ્ધો, સગર્ભા અને ધાત્રી બહેનોની અલગ નોંધ રાખવાની સાથે તેઓના આરોગ્યની તપાસણી કરી હતી. તથા કન્ટેઇન્ટમેન્ટ તથા બફર ઝોનમાં રહેતા તમામ લોકોનુ સ્ક્રીનિંગ કરી કોરોનાનું સંક્રમણ ન ફેલાઇ તે માટે રાખવાની કાળજી અંગે માર્ગદર્શન પુરૂ પાડયું હતુ.