- સરકાર દ્વારા ગ્રાન્ટની ચુકવણી PFMS પદ્ધતિથી થશે
- પોરબંદરમાં અધિકારીઓને અપાઈ તાલીમ
- તાલુકા પંચાયત કક્ષાએ તલાટી કમ મંત્રી, સરપંચ અને તેમને મદદરૂપ સ્ટાફને પણ અપાશે તાલીમ
પોરબંદરઃ સામાન્ય રીતે સરકારી ગ્રાન્ટ મેળવવા માટે અનેકવાર ધક્કા ખાવા પડતા હોય છે અને ગ્રાન્ટ મેળવનારને અનેક મુશ્કેલી આવતી હોય છે. ઉપરાંત ગ્રાન્ટ ક્યારે મળશે તેની પણ જાણકારી ગ્રાન્ટ મેળવનારને નથી હોતી ત્યારે અનેકવાર આ બાબતે મુશ્કેલી સર્જાતી હોય છે, પરંતુ હવે પંચાયતી રાજ મંત્રાલય ભારત સરકારની સૂચના અનુસાર પંચાયતો અને ભારત સરકાર તરફથી ફાળવવામાં આવતી ગ્રાન્ટનું પીએફએમએસ પદ્ધતિથી ચૂકવવું કરવાનું રહેશે, જે અંતર્ગત ડિજિટલ સિગ્નેચર સર્ટિફિકેટ અંગેના ટોકનના ઉપયોગ અંગેની તાલીમ પોરબંદર જિલ્લા પંચાયત કચેરી ખાતેના સભાખંડમાં યોજાઇ હતી. જેમાં ઉપસ્થિત અધિકારીઓએ તાલીમ મેળવી હતી.
સરકાર દ્વારા થતી ગ્રાન્ટની ચુકવણી ચેક દ્વારા થતી હતી, પરંતુ હવે ડિજિટલ સિગ્નેચર સર્ટિફિકેટ દ્વારા પીએફએમએસ પદ્ધતિથી ગ્રાન્ટની ચુકવણી થશે. જેથી યોગ્ય સમયે ગ્રાન્ટ મળી રહેશે આ હેતુને ધ્યાનમાં રાખીને સરકારનું પેપરલેસ વહીવટ તરફ એક વધુ પ્રયાણ રહેશે.