રાજ્ય સરકાર દ્વારા ચાઈનીઝ દોરા અને તુક્કલ વેચવા પર પ્રતિબંધ

પોરબંદરઃ રાજ્ય સરકાર દ્વારા ચાઈનીઝ દોરા અને ચાઈનીઝ તુક્કલ વેચવાની મનાઈ ફરમાવવામાં આવી છે. કલેક્ટર દ્વારા પણ જાહેરનામું પ્રસિદ્ધ કરવામાં આવ્યું છે. જાહેરનામામાં ચાઈનીઝ દોરા અને ચાઇનીઝ વસ્તું પર પ્રતિબંધ લગાવવામાં આવ્યો છે.

પોરબંદર વન વિભાગના કર્મચારીઓએ પતંગના સ્ટોલની મુલાકાત લઇ ચેકિંગ હાથ ધર્યું હતું અને વેપારીઓ ચાઈનીઝ દોરા કે, તુંક્કલ વેચે છે કે, કેમ તેની ચકાસણી કરી હતી. જો કે, કોઈ જ પ્રકારના ચાઈનીઝ દોરા વેચાણમાં જોવા ન મળ્યા હતા. વન વિભાગના કર્મીઓએ લોકોને પણ અપીલ કરી હતી કે, જો કોઈપણ લોકો ચાઈનીઝ દોરાનો ઉપયોગ કરે તો નજીકના પક્ષી અભ્યારણ ખાતે જાણકારી કરવી.