ચોમાસા દરમિયાન દરિયામાં વધુ તેજ મોજા આવતા હોય છે. વાતાવરણ સારુ ન હોવાને કારણે માછીમારો મુશ્કેલીમાં મુકાય છે. જેને ધ્યાનમાં રાખીને ફીશરીઝ વિભાગ દ્વારા જૂન મહિનાથી લઇ 15 ઓગસ્ટ સુધી દરિયામાં માછીમારી માટેની પ્રક્રિયા પર પાબંદી હોય છે. અને તેના પર પ્રતિબંધ મુકવામાં આવે છે.
આ નિયમનું ઉલ્લંઘન કરી અનેક માછીમારો માછીમારી કરવા માટે જતા હોય છે. જેમાં 15 ઓગસ્ટ પહેલા બંધ સિઝનમાં માછીમારી કરવા ગયેલા 21 બોટના લાયસન્સ ફીશરીઝ વિભાગ દ્વારા જપ્ત કરવામાં આવ્યા છે. આ 20 બોટ વેરાવળની છે. જ્યારે, એક બોટ પોરબંદરની છે. જેનું નામ શ્રી અંજલી અને નંબર ind GJ25mm288 અને તેના માલિકનું નામ દીનાબેન જાદવ પોસતરિયા હોવાનું ફિસરીઝ વિભાગ દ્વારા જણાવાયું હતું. ઝપ્ત કરાયેલ લાયસન્સ ધારકો પાસેથી 10 હજારથી 50 હજાર જેટલી રકમનો દંડ વસૂલવામાં આવે છે.
