રાણાવાવમાં પ્રધાનમંત્રી ફસલ વીમા યોજનામાં મંજૂરી લીધા વગર પ્રીમિયમ કપાતા ખેડૂતોમાં રોષ

પોરબંદરઃ જિલ્લાના રાણાવાવ તાલુકામાં આવેલા રામગઢના ખેડૂતોએ પ્રધાનમંત્રી ફસલ વીમા યોજનામાં ખેડૂતોની મંજૂરી વગર રાણાવાવની સેન્ટ્રલ બેન્ક ઓફ ઇન્ડિયામાં ખાતા ધારકોના પ્રીમિયમ કપાતા ખેડૂતોમાં રોષ જોવા મળ્યો હતો અને સેન્ટ્રલ બેન્ક ઓફ ઇન્ડિયા રાણાવાવની ઓફીસમાં ખેડૂતોનું ટોળુ ધસી ગયું હતું.

ખેડૂતોના જણાવ્યા અનુસાર સેન્ટ્રલ બેન્ક ઓફ ઇન્ડિયામાં રામગઢ ગામના મોટાભાગના ખેડૂત ખાતેદારોએ પાક ધિરાણ લીધેલ છે. તેઓની માગ તથા ખેડૂતોની માંગણી પ્રમાણે આ જ બ્રાન્ચ દ્વારા ખેડૂતોને કોઈપણ પ્રકારની જાણ કર્યા વગર રવિ પાકનું પ્રીમિયમ કાપવામાં આવતા ખેડૂતો રોષે ભરાયા હતા અને પાકનું પ્રીમિયમ રિફન્ડ કરવામાં આવે તેવી માગ કરી હતી.

જ્યારે સેન્ટ્રલ બેન્ક ઓફ ઇન્ડિયાના મેનેજર મિથુન ગુપ્તાએ જણાવ્યું હતું કે, ભારત સરકારના પ્રધાનમંત્રી ફસલ વીમા યોજના દ્વારા બ્લડ બેંકની ગાઈડલાઈન્સ મુજબ પ્રીમિયમ કપાય છે, જો આ બાબતે કંઈ પણ ખામી હશે તો તે ઉપર રજૂઆત કરવામાં આવશે અને યોગ્ય નિરાકરણ લાવવામાં આવશે .