પોરબંદરઃ શહેરમાં ચોરીના ગુના રોકવા માટે બુધવારના રોજ LCB, PSI એચ.એન.ચુડાસમા, એલ.સી.બી. સ્ટાફ સાથે પેટ્રોલીંગમાં હતા. તે દરમિયાન HC રણજીતસિંહ દયાતર તથા PC દિલીપભાઇ મોઢવાડીયાને મળેલી હકીકતના આધારે શહેરના આશાપુરા ચાર રસ્તા પાસેથી શંકાસ્પદ ચાર શખ્સોની અટકાયત કરવામાં આવી હતી.
આ તકે અટકાયત કરેલા વિજય જેન્તીભાઇ મકવાણા, રણજીત ઘીરૂભાઇ ડાભી તથા ભરત ઉર્ફે હરેશ બાબુભાઇ પરમાર, તથા ઇશ્વર ઉફૅ મુકો બાબુભાઇ પરમાર તમામની પુછતાછ કરતા વિજય પાસેથી રોકડા રૂપિયા 1820/- મળી આવેલા તેમજ તમામના નામ પોકેટ કોપ એપ્લીકેશનની મદદથી વેરીફાઇ કરતા ભરત ઉર્ફે હરેશ બાબુભાઇ પરમાર વિરૂધ્ધ પહેલા પણ ચોરીના ગુના થયા હોવાનું તેમજ સીસીટીવી કેમેરાઓના ડેટાબેઝમાં પણ તેની શંકાસ્પદ હરકત હોવાનું જાણવા મળ્યું હતું, જેથી ઉપરોકત મુદ્દામાલ અંગે દરેક ઇસમની ઉંડાણપુર્વક પુછપરછ કરતાં રોકડા રૂપિયા 20 દિવસ પહેલાં આશાપુરાચોકમાં આવેલા TVS શોરૂમ પાસેની હાર્ડવેરની દુકાનમાંથી ચોરી કરી હોવાનું જણાવ્યું હતુંં.