પોરબંદર પોલીસની સફળતા : ઇરાની ગેંગના ચાર આરોપીને પોલીસે દબોચ્યા, 3 દિવસના રીમાન્ડ મંજુર

પોરબંદર સહિત અનેક શહેરમાં નકલી પોલીસ અને અધિકારીઓ હોવાનું જણાવી લોકો પાસેથી દાગીના પડાવી લેતી ઈરાની ગેંગના ચાર લોકોને પોરબંદર પોલીસે ઝડપી લીધા હતા. ઈરાની ગેંગના ચાર આરોપીઓના ત્રણ દિવસના રિમાન્ડ મંજુર થયા છે ત્યારે આ ચારેય શખ્સોની રિમાન્ડમાં વધુ ગુન્હાઓનો ભેદ ઉકેલાય તેવી શક્યતા છે.

• પોરબંદર પોલિસે ઇરાની ગેંગના ચાર આરોપીને દબોચ્યા
• આરોપીઓના ૩ દિવસના રીમાન્ડ મંજુર
• રાજયના અન્ય જિલ્લામાં અન્ય ગુન્હાઓનો ભેદ ઉકેલાવાની શકયતા

પોરબંદરઃ લોકોને પોલીસ અધિકારીની ઓળખ આપી દાગીના તફડાવતી ગેંગના 4 શખ્સ ઝડપાયા છે. ઈરાની ગેંગના સુલ્તાનખાન ઉર્ફે ગબ્બરઅલી, ઇસાઅલી નબીઅલી ઉર્ફે નોસીર કાદરી ઇરાની, મોહમદ બાકર ઉર્ફે બીની મીટુઇ યાસીનઅલી, રજાઅલી કુરબાનઅલી ઇરાની પોરબંદર પોલીસે અટકાયત કરી હતી.

કમલાબાગ પોલીસ સ્ટેશનના PSI જે.ડી.દેસાઇ દ્વારા રીમાન્ડની માગણી કરી હતી. કોર્ટ દ્વારા બન્ને પક્ષની દલીલના અંતે ચારેય આરોપીઓના 3 દિવસના રીમાન્ડ મંજુર કર્યા છે. જે દરમિયાન તેઓની ઓળખ પરેડ કરી રાજયના અન્ય જિલ્લાઓમાં આ પ્રકારના ગુન્હાઓનો ભેદ ઉકેલાવાની તથા અન્ય શખ્સોના નામ ખુલે તેવી શકયતા રહેલી છે.