ગાંધીજીની જીવન ગાથા વર્ણવતું નાટક "ભારત ભાગ્ય વિધાતા" જોઈ દર્શકો મંત્રમુગ્ધ બન્યા

પોરબંદર: ગાંધીજીની 150મી જન્મ જયંતીની રાષ્ટ્રવ્યાપી ઉજવણીના નિમિત્તે શ્રીમદ રાજચંદ્ર મિશન ધરમપુર અને ગુજરાત રાજ્યના રમત ગમત સાંસ્કૃતિક પ્રવૃત્તિ વિભાગ દ્વારા ગાંધીજીના જીવન ચરિત્ર પર આધારિત નાટ્યપ્રયોગ "ભારત ભાગ્ય વિધાતા " પોરબંદરના બિરલા હોલ ખાતે યોજાયું હતું. જેમાં ગાંધીજીના બાળપણ યુવાની અને વૃદ્ધાવસ્થાના ત્રણેય કાળને રજૂ કરવામાં આવ્યું હતું. આ નાટય નિહાળી દર્શકો મંત્ર મુગ્ધ બન્યા હતા.

ગાંધીજીના જીવન પર લેખક પ્રકાશ કાપડિયા લિખિત નાટક" ભારત ભાગ્ય વિધતા " નું દિગ્દર્શન રાજેશ જોશી અને સૂત્રધાર તરીકે ધર્મેશ મહેતા દ્વારા કરવામાં આવ્યું છે. આ નાટક ગુજરાતના 150 જેટલાં શો યોજવામાં આવ્યા છે. જયારે અન્ય રાજ્યમાં હિન્દી ભાષામાં આ નાટક ભજવવામાં આવેયું છે. આમ કુલ 36 થી પણ વધુ કલાકારોએ આ નાટકમાં ગાંધીજીના જીવનમાં તેના આઘ્યાત્મિક ગુરુ શ્રીમદ રાજચંદ્રના સિદ્ધાંતોનું કેવીરીતે પાલન કર્યુ છે તે બતાવવામાં આવ્યું છે.

આ નાટકમાં ગાંધીજીના બાળપણના પ્રસંગમાં શાળાના જૂઠા બોલવાના પ્રસંગ થી લઇ સત્યાગ્રહ અને આફ્રિકામાં પીટ્સ બર્ગ રેલવે સ્ટેશનની ઘટના અને જલિયાવાલા બાગ સહિત ભારત છોડો આંદોલન અને ભારત - પાકિસ્તાનના ભાગલા પણ દર્શાવવામાં આવ્યા હતા.

તો શ્રીમદ રાજચંદ્રના આધ્યાત્મિક જ્ઞાનથી પ્રેરણા મેળવી સમગ્ર વિશ્વમાં અહિંસક ક્રાંતિની શરૂઆત પીટર મેરિસ બર્ગ સ્ટેશન પરની ચીંગારી મશાલ બની દેશને દોરી રહી હતી અને ગાંધીજીએ તેમના જીવનમાં ઉતરેલા શ્રીમદ રાજચંદ્રના આધ્યાત્મિક વિચારોને પણ દર્શાવામાં આવ્યા હતા.

આ નાટક નિહાળવા મોટી સંખ્યામાં લોકો ઉપસ્થિત રહ્યા હતા. નાટકના કલાકારોએ ગાંધી જન્મ સ્થળ પર ગાંધીજીનું નાટક ભજવી ગર્વ અનુભવ્યો હતો.