પોરબંદરઃ જે. વી. ગોઢાણીયા ઈંગ્લીશ સ્કૂલમાં વાલીઓએ સ્કૂલ ફી મામલે હોબાળો મચાવ્યો

કોરોના મહામારીના પગલે રાજ્યમાં તમામ સ્કૂલ બંધ છે. સ્કૂલમાં માત્ર ઓનલાઇન શિક્ષણ અપાઈ રહ્યું છે, ત્યારે સરકારના નિયમ અનુસાર શૈક્ષણિક ફી સિવાય અન્ય કોઈ પણ પ્રકારની ફી વાલીઓ પાસેથી ઉઘરાણી કરવાની મનાઈ છે. તેમ છતાં પોરબંદરની ગોઢાણિયા સ્કૂલ દ્વારા વાલીઓ પાસેથી વધુ ફી ઉઘરાણી કરતા વાલીઓએ ગુરુવારે સ્કૂલમાં હોબાળો મચાવ્યો હતો.

• પોરબંદરમાં સ્કૂલ ફીને લઈ વાલીઓએ કર્યો હોબાળો
• જે. વી. ગોઢાણિયા સ્કૂલ દ્વારા વાલીઓ પાસેથી વધુ ફી ઉઘરાણી કરાતા વાલીઓનો વિરોધ
• ગોઢાણીયા સ્કૂલ સામે કડક પગલા ભરવા વાલીઓએ માંગ કરી

પોરબંદરઃ રાજ્યમાં છેલ્લા કેટલાય મહિનાથી સ્કૂલ બંધ છે. કોરોના મહામારીના પગલે સ્કૂલ- કોલેજ બંધ રાખવાનો નિર્ણય કરવામાં આવ્યો હતો, ત્યારે વિદ્યાર્થીઓને હાલ ઓનલાઈન શિક્ષણ અપાઈ રહ્યું છે. રાજ્ય સરકારે સ્કૂલોને શૈક્ષણિક ફી સિવાય અન્ય કોઈ પણ પ્રકારની ફી વાલીઓ પાસેથી ઉઘરાણી કરવાની મનાઈ કરી છે. તેમ છતાં પોરબંદરની જે. વી. ગોઢાણિયા સ્કૂલ દ્વારા વાલીઓ પાસેથી વધુ ફી ઉઘરાણી કરતા વાલીઓએ ગુરુવારે સ્કૂલમાં હોબાળો કર્યો હતો.

જે. વી. ગોઢાણીયા ઈંગ્લીશ સ્કૂલમાં વાલીઓએ હોબાળો મચાવ્યો

યૂ-ટ્યુબના વીડિયો વિદ્યાર્થીઓને સેન્ડ કરી દેવામાં આવતા હોવાનો આક્ષેપ

રાજ્ય સરકારની ગાઇડ લાઇન મુજબ શૈક્ષણિક ફી લઈ શકાય છે, પરંતુ વાલીઓના જણાવ્યાં અનુસાર પોરબંદરની ગોઢાણિયા સ્કૂલમાં વધુ ફી ઉઘરાવવામાં આવતી હતી. જ્યારે ફીની પહોંચ માગવામાં આવે ત્યારે જનરલ ફીમાં તમામ ફી આવરી લેવામા આવી હતી. તેમાં અન્ય કોઈ ઉલ્લેખ કરવામાં આવતું ન હતું. આ ઉપરાંત ઓનલાઈન શિક્ષણમાં પણ યૂ-ટ્યુબના અન્ય વીડિયો ડાઉનલોડ કરી વિદ્યાર્થીઓને સેન્ડ કરી દેવામાં આવતા હોવાનો આક્ષેપ વાલીઓએ કર્યો હતો. ઓનલાઈન એજ્યુકેશનમાં શિક્ષક વીડિયોના માધ્યમથી વિદ્યાર્થીઓને ભણાવે છે, પરતું આ શાળા દ્વારા આમ ન થતું હોય જેથી ઓનલાઈન શિક્ષણના નામે ખોટી ફી વસુલાત કરતા હોવાનું પણ વાલીઓએ જણાવ્યું હતું.

જે. વી. ગોઢાણીયા ઈંગ્લીશ સ્કૂલમાં વાલીઓએ હોબાળો મચાવ્યો

કોરોના મહામારી ચાલી રહી છે, ત્યારે રાજ્ય સરકારે સ્કૂલોને અન્ય ફી ઉઘરાવવાની મનાઈ કરી હોવા છતાં વાલીઓ પાસેથી ફી ઉઘરાણી કરતા ગોઢાણીયા સ્કૂલ સામે કડક પગલા ભરવા વાલીઓએ માંગ કરી હતી.

શિક્ષણ વિભાગ દ્વારા તપાસ હાથ ધરવામાં આવશે

પોરબંદરમાં વાલીઓ પાસેથી અનેક બહાના કરી મસમોટી ફી ઉઘરાણી કરતી સ્કૂલો સામે શિક્ષણ વિભાગમાં ફરિયાદો આવતા શિક્ષણ વિભાગ દ્વારા પણ તપાસ હાથ ધરવામાં આવશે. સ્કૂલ સંચાલકો પાસે આ અંગે જવાબ માંગવામાં આવશે અને યોગ્ય કાર્યવાહી કરવામાં આવશે. તેમ શિક્ષણ નિરીક્ષક સંદીપ સોનીએ જણાવ્યું હતું.