પોરબંદરઃ આજે પોરબંદર જિલ્લાકક્ષાના 71માં વન મહોત્સવની ઉજવણી પોરબંદરના જવાહર નવોદય વિદ્યાલય ખાતે કરવામાં આવી હતી. આ કાર્યક્રમમાં મુખ્ય અધ્યક્ષ તરીકે પ્રવાસન અને મત્સ્યઉદ્યોગ વિભાગના પ્રધાન જવાહરભાઈ ચાવડા ઉપસ્થિત રહ્યાં હતાં.
પોરબંદરના સાંસદ રમેશભાઈ ધડૂક, ધારાસભ્ય બાબુભાઇ બોખીરીયા, જિલ્લા પંચાયતના પ્રમુખ નીલેશભાઈ મોરી, જિલ્લા કલેકટર મોદી, જિલ્લા વિકાસ અધિકારી અડવાણી તથા જિલ્લા પોલીસ વડા સૈની અને નાયબ વન સંરક્ષક ડીજે પંડ્યા ઉપસ્થિત રહ્યાં હતાં. આ સમયે આત્મનિર્ભર પ્રોજેક્ટ અંતર્ગત આપવામાં આવેલી સહાયના ભાગરૂપે લાભાર્થીઓને ચેકનું વિતરણ કરવામાં આવ્યું હતું અને ત્યારબાદ અતિથિઓ દ્વારા વૃક્ષારોપણ કરવામાં આવ્યું હતું.
