પોરબંદરની સરકારી હૉસ્પિટલમાંથી અપહરણનો આરોપી ફિલ્મી ઢબે પોલીસને ચકમો આપી ફરાર

પોરબંદરઃ કુતિયાણામાં સગીરા અપહરણના કેસમાં સંડોવાયેલા એક આરોપીને મૅડીકલ ચેક-અપ માટે પોરબંદરની સરકારી હૉસ્પિટલ ખાતે લાવવામાં આવ્યો હતો. જ્યાં આ આરોપી પોલીસકર્મીને ધક્કો મારી નાસી છુટતા ચકચાર મચી ગઈ છે.

રાણાવાવના હનુમાનગઢ ગામનો ભરત ગોઢાણીયા (ઊ.વ. 27) વિરુદ્ધ કુતિયાણા પોલીસ સ્ટેશનમાં સગીરાનું અપરહણ કર્યાનો ગુનો નોંધાયો હતો. જે મામલે પોલીસે આજે તેની ધરપકડ કરી મૅડીકલ ચેક-અપ માટે પોરબંદરની સરકારી હૉસ્પિટલમાં લાવ્યા હતા. ત્યારે સાંજે 7 વાગ્યે આરોપી હૉસ્પીટલમાં પોલીસકર્મીને ધક્કો મારી અને નાસી છુટતા ચારે બાજુ ચકચાર મચી ગઈ છે. પોલીસે આરોપીને ઝડપી લેવા માટે ચારે-બાજુ નાકાબંધી કરી છે, પરંતુ હજુ સુધી તે હાથ લાગ્યો નથી.