પોરબંદર: એક તરફ કોરોના વાઇરસનો ખતરો દેશમાં મંડરાઇ રહ્યો છે, ત્યારે બીજી બાજુ વાતાવરણમાં પણ પલટો આવ્યો છે. હવામાન વિભાગની આગાહી પ્રમાણે, આગામી 48 કલાક સુધીમાં ગુજરાતના દરિયા કિનારા પર લો પ્રેશરની અસર વર્તાશે અને વધુ પવન ફૂંકાશે. જેથી માછીમારોને દરિયો ન ખેડવાની સૂચના અપાઇ છે.
પોરબંદર ડિઝાસ્ટર મેનેજમેન્ટના અધિકારી લીકૂન પાત્રા સાથે વાતચીત દરમિયાન જાણવા મળ્યું હતું કે, આગામી સમયમાં માલદીવ ખાતે લો-પ્રેશર સર્જાવાની શક્યતાઓ છે અને આ લો પ્રેશરની અસર ગુજરાતના દરિયાકિનારે સર્જાશે, વધુથી વધુ પવન ફૂંકાવાની શક્યતા છે.
પોરબંદર સહિતના દરિયા કિનારે લો પ્રેસરની અસર સાથે પવન ફૂંકાશે