પોરબંદર જિલ્લાના મોટાભાગના વિસ્તારોમાં જૂન મહિનામાં પડેલા સામાન્ય વરસાદ પહેલા ખેડૂતોએ વાવણી કરીં હતી. ત્યારબાદ સતત એક મહિના સુધી વરસાદ નહીં પડતાં વાવણી કરેલ તમામ પાક નિષ્ફળ ગયો હતો. ત્યારબાદ ફરી વરસાદ પડતા ખેડૂતોએ બીજી વખત વાવણી કરીં હતી અને ખાતર બિયારણના મોટા પ્રમાણમાં ખર્ચા કર્યા હતાં.
છેલ્લા એક મહિનામાં પડેલા ભારે વરસાદના કારણે પાકનું મોટા પ્રમાણમાં ધોવાણ થયું, જેના કારણે ખેડૂતોને લાખો રૂપિયાનું નુકશાન થયું છે. સરકાર દ્વારા પાક વીમા અંગે તાત્કાલીક પગલા લઈ સર્વે કરવામાં આવે તેવી માગ સાથે ખોડૂતોએ આક્ષેપ લગાવતા કહ્યું કે, પાક વીમા કંપની દ્વારા પ્રધાનમંત્રી ફસલ વીમા યોજનાની ઓપરેશનલ ગાઈડલાઈન મુજબ લોસ એસેસમેન્ટ ઓફિસરની નિમણુક હજૂ સુધી કરાવામાં આવી નથી. જેથી, આ નિમણુક તાત્કાલિક ધોરણે કરી આગળની કાર્યવાહી કરવામાં આવે.
