RTE હેઠળ પ્રવેશ મેળવતા બાળકોના વાલીઓ ચિંતામાં

હાલમાં કોરોનાને કારણે તમામ લોકોની આર્થિક પરિસ્થિતિ કપરી બની છે. કેટલાય વાલીઓ પોતાના બાળકોને RTE હેઠળ ભણાવતા હોય છે. હાલમાં રાજ્યમાં નવુ શિક્ષણ તંત્ર શરૂ થઈ ગયું છે પણ RTEની પ્રવેશ પ્રક્રિયા શરૂ નથી થઈ જેના કારણે વાલીઓ ચિંતત બન્યા છે. પોરબંદરમાં NSUI દ્વારા રજૂઆત કરવામાં આવી છે.

• રાજ્યમાં નવા શૈક્ષણિક તંત્રનો પ્રારંભ
• RTE હેઠળ પ્રવેશ મેળવનાર વાલીઓ ચિંતત
• પોરબંદરમાં NSUIએ કરી રજૂઆત

પોરબંદર: હાલ કોરોના કાળનો (Corona) કપરો સમય ચાલી રહ્યો છે. દેશમાં અને રાજ્યમાં કોરોનાની બીજી વેવ (Second Wave Corona) ઘાતક બની હતી. છેલ્લા કેટલા સમયથી શિક્ષણ કાર્ય પણ બંધ છે હાલ નવા સત્રનો પ્રારંભ કરવામાં આવ્યો છે, પરંતુ સરકાર દ્વારા RTEના વિધાર્થીઓ સાથે અન્યાય થતો હોય તેવું લાગી રહ્યું છે હજુ સુધી RTE ની પ્રવેશ પ્રક્રિયા હાથ ધરવામા આવી નથી.

RTE હેઠળ પ્રવેશ મેળવાનાર વાલી ચિંતીત

RTEની પ્રવેશ પ્રક્રિયા ફેબ્રુઆરીથી માર્ચના અંત સુધીમાં ફોર્મ ભરવાનું હોય છે,જૂનના અંત સુધીમાં બધા વિદ્યાર્થીઓને પ્રવેશ પ્રક્રિયા હાથ ધરાતી હોય છે ઘણા ગરીબ વાલીઓ આ યોજનાનો લાભ લેતા હોય છે.. હાલ પણ આ બાબતે વાલીઓ રાહ જોઇને બેઠા છે કે ક્યારે પ્રક્રિયા હાથ ધરાશે હાલ નવા શૈક્ષણિક સત્રનો પ્રારંભ થઇ ચુકયો છે પરંતુ RTE ના પ્રવેશ બાબતે કોઇ પણ સ્પષ્ટતા કરવામાં આવી નથી.

આ પણ વાંચો : આજે CBSE પરીક્ષા અંગે લેવાશે નિર્ણય

હાલ આર્થિક પરિસ્થિતિ કપરી

હાલની સ્થિતિ તમામ માટે કપરી છે. લોકડાઉનના કારણે લોકો આર્થિક ભીંસમાં ફસાયા છે. આ યોજના વહેલી તકે હાથ ધરાઇ તો વધુમા વધુ વાલીઓ પોતાના બાળકોને પ્રવેશ અપાવી શકે.ઘણા વાલીઓ પ્રવેશને લઇને પણ ચિંતિત છે કે પ્રક્રિયા હાથ નહી ધરાઇ તો તેમના બાળકના ભવિષ્યનું શું થશે. નવા સત્રનો પ્રારંભ થયો છે તો તેમનો બાળક શિક્ષણથી વંચિત રહી જાય તેમ છે .ઘણા વાલીઓની આ બાબતે રજૂઆત આવી હોય તો આ બાબતે શિક્ષણ વિભાગ યોગ્ય કરે તેવી પોરબંદર જિલ્લા NSUI દ્વારા રજૂઆત કરાઈ હતી.

આ પણ વાંચો : સુરત ABVP દ્વારા 7 એપ્રિલના રોજ આંદોલન કરવામાં આવશે