બારમાના પ્રસંગમાં 20 કરતા વધૂ લોકો એકઠા કરનારની ધરપકડ કરાઇ

વિશ્વભરમાં કોરોના મહામારીનું સંક્રમણ વધી રહ્યું છે. ત્યારે રાજ્ય સરકાર દ્વારા પણ લગ્ન પ્રસંગ અને અંતિમ સંસ્કારમાં પણ લોકોને જવા અંગેના નિયમોની ગાઈડલાઈન રાખવામાં આવી છે. પરંતુ આ ગાઇડલાઇનનુંં પાલન ન કરનાર સામે પોલીસે કડક કાર્યવાહી હાથ ધરી છે. પોરબંદરના કુંભારવાડા વિસ્તારમાં મરણ પ્રસંગે વધુ લોકો એકત્રિત કરતા એકની પોલીસે ધરપકડ કરી કાર્યવાહી હાથ ધરી છે.

• કોરોના મહામારીની સઘન પેટ્રોલિંગ ફરી લોકડાઉન તથા નાઈટ કર્ફ્યૂનો આદેશ
• નાયબ પોલીસ અધિક્ષક કીર્તિમંદિર પોલીસ સ્ટેશન વિસ્તારમાં પેટ્રોલિંગમાં હતા
• બારમાના પ્રસંગમાં 20 કરતા વધુ લોકોને એકઠા કર્યા હતા

પોરબંદર : જિલ્લામાં કોરોના મહામારીની સઘન પેટ્રોલિંગ ફરી લોકડાઉન તથા નાઈટ કર્ફ્યૂનો કડક અમલ કરાવવા માટે પોલીસ અધિક્ષક ડૉ. રવિ મોહન સૈની દ્વારા સૂચના અપાયેલી છે. પોરબંદર શહેર વિભાગના નાયબ પોલીસ અધિક્ષક જે. સી. કોઠિયા તથા કીર્તિમંદિર પોલીસ સ્ટેશનના પો. ઈન્સ. એચ. એલ. આહિરના માર્ગદર્શન હેઠળ હનુમાનગુફા પોલીસ ચોકીના PSI બલભદ્રસિંહ એસ.ઝાલા તથા હેડ કોન્સ્ટેબલ ગીરીશ રાજા ભરડા, રસુલ સુમરા, સુખદેવ ચૌહાણ કીર્તિમંદિર પોલીસ સ્ટેશન વિસ્તારમાં બંદોબસ્તમાં પેટ્રોલિંગમાં હતા.

જાહેરનામામાં સ્પષ્ટ ઉલ્લેખ હોવા છતાં 20 કરતા વધુ માણસને એકઠા કર્યા

જે દરમિયાન માહિતી મળી હતી કે, નવો કુંભારવાડો શેરી નં.-7 ખાતે મરણ પ્રસંગે લોકોને બિનજરૂરી એકઠા કરેલા છે. તેવી માહિતીને આધારે પંચો સાથે તપાસ કરતા ઘરધણી ભાવેશ ચંદુ કૃષ્ણવડાના પિતા બાર દિવસ પહેલાં અવસાન પામ્યા હતા. તેમના બારમાના પ્રસંગનું આયોજન કરી સરકારના જાહેરનામામાં સ્પષ્ટ ઉલ્લેખ હોવા છતાં 20 કરતા વધુ માણસને એકઠા કર્યા હતા. કોઈ જાતનું સોશ્યિલ ડિસ્ટન્સ નહિ જાળવીને ગુન્હો દાખલ કર્યો હતો. જેથી ઘરધણીની ધરપકડ કરી તેના વિરુદ્ધ ધોરણસરની કાર્યવાહી હાથ ધરવામાં આવી હતી.