જેમાં મોટા જથ્થામાં દેશી દારૂના તથા ભારતીય બનાવટના વિદેશી દારૂના ગણનાપાત્ર કેસો શોધી કાઢીવામાં આવ્યા છે. આ સાથે ઇસમો વિરૂધ્ધ પાસા તથા હદપાર જેવા અટકાયતી પગલા લેવાની ઝુંબેશ હાથ ધરવામાં આવતાં જિલ્લામાં પ્રોહીબિશનની પ્રવૃત્તિ નિયંત્રણમાં આવેલી છે.
જે તકનો લાભ ઉઠાવી કેટલાંક લેભાગું તત્વોએ નશાના બંધાણીઓને અન્ય રીતે કૈફી દ્રવ્યોના રવાડે ચઢાવી નફો કમાવવાની પ્રવૃત્તિ છૂપી રીતે શરૂ કરેલ હતી. આ પ્રવૃત્તિ અંગે મળેલ ચોક્કસ બાતમી અનુસંધાને પોરબંદર જિલ્લા SOG ટીમે કુતિયાણા પોલીસ સ્ટેશન વિસ્તારમાં વચ્છરાજ હોટલ પર રેઈડ પાડતા સ્ટોનારીસ્ટ આસવ રીષ્ઠા નામની નશીલ દવાની બોટલો -૧૨૦ અને હર્બી ફલો આસવ નામની 249 સાથે આવળા રાજ કારાવદરાની ધરપકડ કરેલ છે.
જ્યારે કુતિયાણા મેઈન બજારમાં અંબિકા કોલ્ડ્રિંક્સ ખાતે રેઈડ પાડચા સ્ટોનારીસ્ટ આસવ રીષ્ઠા નામની નશીલી દવાની બોટલો ૧૮૨ જથ્થા કીશનચંદ ટેકચંદ દેસાણી અને ભરત હીરામલ જોબનપુત્રા નામના શખ્સોની ધરપકડ કરેલ છે. તેમજ રાણાવાવ વિસ્તારના હનુમાનગઢ ખાતે હોટલ રામકૃપામાં રેઇડ પાડતા હર્બી ફલો આસવ નામની નશીલી દવાની બોટલો-૧૬૩ સાથે હોટલ સંચાલક ખીમા ભીમા કારાવદરાની ધરપકડ કરેલ છે.
ઉપરોક્ત ત્રણેય જગ્યાએથી ઝડપાયેલ જથ્થા બાબતે કોઈ જરૂરી આધાર-પુરાવો નહી રજૂ કરતાં તમામ ઈસમોને સી.આર.પી.સી.ક- 41 (1) (ડી) મુજબ અટક કરી સદર મુદ્દામાલ સી.આર.પી.સી. ક- 102 મુજબ કબજે કરી વધુ પરીક્ષણ માટે મોકલવામાં આવશે. આમ પોરબંદર પોલીસસે દારૂના નશાની અવેજમાં વપરાતાં કેફી દ્રવ્યોના કાળા કારોબારનો પર્દાફાશ કરવામાં તેમજ નશાકીય પ્રવૃત્તિની રોકથામ કરવામાં સફળતાં મળેલ છે.
આ સમગ્ર કામગીરીમાં પોલીસ ઇન્સપેકટર પી.ડી.દરજી તથા SOG સ્ટાફના HC દિલીપભાઇ ઓડેદરા, બટુકભાઇ વિંઝુડા, કિશનભાઇ ગોરાણીયા, મહેબુબખાંન બેલીમ, પો.કોન્સ વિજયભાઇ જોષી , દેવેન્દ્રસિંહ ગોહિલ, ડ્રા.સુરેશભાઇ નકુમ વગેરે જોડાયા હતાં.
