સિદ્ધપુરમાં હની ટ્રેપને અંજામ આપનારાને પોલીસે ઝડપ્યા

સિદ્ધપુર ખાતે હનટ્રિપના ગુનાને અંજામ આપનારા ચાર આરોપીઓને સિદ્ધપુર પોલીસે ઝડપી પાડ્યા છે. પોલીસને ગણતરીની કલાકોમાં જ ગુનાનો ભેદ ઉકેલવામાં સફળતા મળી છે. પોલીસે આરોપીઓ પાસેથી છરી, સોનાનો દોરો, બે ફોર વહીલર સહિતનો મુદામાલ રીકવર કર્યો હતો.

• હની ટ્રેપના ચાર આરોપીઓને સિદ્ધપુર પોલીસે ઝડપ્યા
• પકડાયેલા તમામ આરોપીઓ પાટણ પંથકના
• ફરાર આરોપી મહિલાને પકડવા પોલીસે ચક્રો ગતિમાન કર્યા

પાટણઃ સિદ્ધપુર ખાતે એક વેપારીનો તોડ કરવાના ઇરાદે ચાર શખ્સોએ એક અજાણી મહિલા સાથે મોબાઇલ પર વાત કરાવી હતી. ત્યારબાદ મહિલાને વેપારી પાસે મોકલી હતી અને ચારે જણાએ ત્યાં આવી બંનેને માર માર્યો હતો અને રૂપિયા 70 હજારની કિંમતનો સોનાનો દોરો, રૂપિયા 10 હજાર રોકડ લઈ લીધી હતી અને રૂપિયા 24 હજાર આપવાનો વાયદો કર્યો હતો. આ દરમિયાન ભોગ બનનારે પૈસા આપવાનો વાયદો કરી સમગ્ર હકીક્તથી પોલીસને વાકેક કરતાં પોલીસે ભોગ બનનારને સાથે રાખી છાકોશી ચાર રસ્તા પર આવેલા કોસ રોડ હોટલ ઉપર ચારે આરોપીઓને પૈસા લેવા બોલાવી છટકું ગોઠવી ઝડપી લીધા હતા.

સિદ્ધપુરમાં હની ટ્રેપને અંજામ આપનારાને પોલીસે ઝડપ્યા

આ પણ વાંચોઃ અમદાવાદ: નકલી પોલીસ બનીને ફરતો યુવક ઝડપાયાં બાદ હની ટ્રેપ કરતી ગેંગ કરી, ઝડપાઈ ગયો

પોલીસે મુદ્દામાલ કર્યો કબ્જે

પોલીસે ઠાકોર પરેશ કાંતી, ઠાકોર ભીખાજી ઉર્ફે ટીનાજી પુંજાજી, ઠાકોર ઉત્તમ દેવા અને ઠાકોર રોહિત કાંતી ઠાકોરને ઝડપી લીધા હતા. પોલીસે આ આરોપીઓ પાસેથી બે ગાડી, રૂપિયા 10 હજાર રોકડા, રૂપિયા 70 હજારની કિંમતનો સોનાનો દોરા સહિતના મુદ્દામાલ કબ્જે કર્યો છે.