પાટણ: સવંત 802માં વનરાજ ચાવડાએ તેમના મિત્ર અણહિલ ભરવાડ અને ચાંપા વાણીયાની મદદથી સ્થાપવામાં આવેલ ઐતિહાસિક નગર પાટણના 1274માં સ્થાપના દિવસ પ્રસંગે દર વર્ષની જેમ આ વર્ષે પણ અખિલ ગુજરાત રાજપૂત યુવા સંઘ દ્વારા 19માં સ્થાપના દિવસની ઉજવણી કાળકા મંદિર રોડ પર આવેલ શિશુ મંદિર ખાતે કરવામાં આવી હતી.
પાટણના વિરંજલી કાર્યક્રમમાં 150 દિકરીબાઓ દ્વારા ભવ્ય તલવાર રાસ રજૂ કરાયો અખિલ ભારતીય ક્ષત્રિય ધર્મ સંસદના પ્રમુખ ડો. જયેન્દ્રસિંહ જાડેજાએ જણાવ્યું હતું કે, મહાન ચક્રવતી રાજા સિદ્ધરાજનું શાસન પાટણ નગરમાં હતું, ત્યારે અહીં સુવર્ણ કાળ હતો અને ભારતના 77 ટકા ભાગ પર તેમનું શાસન હતું. આ નગરમાં અનેક પ્રતાપી સમ્રાટ રાજાઓએ શાસન કરીને સમગ્ર દેશમાં એક અલગ ઓળખ ઉભી કરી હતી. ભૂતકાળમાં મહાન રાજપુરાણીઓ અને વિરાગનાઓ થઈ ગઈ છે, પરંતુ તેમના ઇતિહાસ ક્યાંક દબાઈ ગયો હતો. ત્યારે આ વર્ષથી મહાન રાજમાતા નાયકા દેવીના પાત્રને ઉજાગર કરવાની થીમ સાથે આ કાર્યક્રમનું આયોજન કર્યું છે.
પાટણના વિરંજલી કાર્યક્રમમાં 150 દિકરીબાઓ દ્વારા ભવ્ય તલવાર રાસ રજૂ કરાયો અન્ન નાગરિક પુરવઠા વિભાગના પ્રધાન ધર્મેન્દ્રસિંહ જાડેજાએ જણાવ્યું હતું કે, પાટણ નગરમા સોલંકી, ચાવડા અને વાઘેલા વંશના પ્રતાપી રાજવીઓ થઈ ગયા તેમના સમયમાં પાટણનું સામ્રાજ્ય ખૂબ જ વિશાળ હતું અને તેમના સમયમાં રાણકી વાવ સહસ્ત્રલીગ તળાવ સહિત અનેક શિલ્પ સ્થાપત્યો અને ભવ્ય મંદિરોનું નિર્માણ કાર્ય થયું હતું. પાટણના વિરંજલી કાર્યક્રમમાં 150 દિકરીબાઓ દ્વારા ભવ્ય તલવાર રાસ રજૂ કરાયો અખિલ ગુજરાત રાજપૂત યુવા સંઘ દ્વારા યોજવામાં આવેલ 19માં સ્થાપના દિવસની ઉજવણી પ્રસંગે રાજપૂત સમાજની 150 દિકરીઓ દ્વારા ભવ્ય તલવાર રાસ રજૂ કરવામાં આવ્યો હતો. જેને જોઈ કાર્યક્રમમાં ઉપસ્થિત લોકો મંત્ર મુગ્ધ બની ગયા હતા. તલવાર રાસમાં ભાગ લેનાર દીકરીબાઓ દ્વારા અગાઉ ભૂચર મોરી શહીદ સ્મારક ખાતે 2500 બહેનો દ્વારા જે વર્લ્ડ રેકોર્ડ બનાવવામાં આવ્યો હતો. તેમાં પણ આ દિકરીબાઓ દ્વારા તલવાર રાસ રજૂ કરવામાં આવ્યો હતો. પાટણના વિરંજલી કાર્યક્રમમાં 150 દિકરીબાઓ દ્વારા ભવ્ય તલવાર રાસ રજૂ કરાયો આ તમામ દીકરીઓનું વિષેશ સન્માન કરવામાં આવ્યુ હતું સાથે જ વિશિષ્ટ સિદ્ધિ મેળવનાર વ્યક્તિઓ, કાર્યક્રમના દાતાઓ, માતાપિતા સાથે યાત્રા કરનાર યાત્રાળુઓનું સન્માન કરવામાં આવ્યું હતું.
પાટણના વિરંજલી કાર્યક્રમમાં 150 દિકરીબાઓ દ્વારા ભવ્ય તલવાર રાસ રજૂ કરાયો
