પાટણ જિલ્લા કોંગ્રેસ માયનોરિટી ડિપાર્ટમેન્ટે CAAના વિરોધમાં કલેકટરને આવેદન આપ્યું

પાટણ: નાગરિકતા સુધારા કાયદાનો પાટણ જિલ્લા કોંગ્રેસ માયનોરિટી વિભાગ દ્વારા વિરોધ કરી જિલ્લા કલેકટરને આવેદન પત્ર આપી કાયદો રદ કરવાની માગ કરી હતી.

ભારત સરકાર દ્વારા તાજેતરમાં નાગરિકતા સંશોધન બિલ લોકસભા અને રાજ્યસભામાં પસાર કરવામાં આવતા, દેશના રાષ્ટ્રપતિએ આ કાયદા પર મંજૂરીની મહોર લગાવી છે, ત્યારે સમગ્ર દેશમાં આ કાયદાનો વિરોધ અને સમર્થન થઈ રહ્યું છે. ત્યારે પાટણ જિલ્લાના કોંગ્રેસ માયનોરિટી વિભાગ દ્વારા આ કાયદાના વિરોધમાં માયનોરિટી વિભાગના આગેવાનો અને કાર્યકરોએ જિલ્લા કલેકટર કચેરી ખાતે એકત્ર થઈ કાયદા વિરુદ્ધ સુત્રોચ્ચારો પોકારી દેખાવો કર્યા હતો. અધિક નિવાસી કલેકટરને આવેદનપત્ર આપી આ કાયદાને રદ કરવાની માગ કરી હતી.

કલેકટરને રજૂઆત કરી હતી કે, જ્યાં સુધી આ કાયદો રદ નહીં થાય ત્યાં સુધી અલગ અલગ કાર્યક્રમો કરવામાં આવશે અને કોઈ સંસ્થા કે, વ્યક્તિને નુકસાન થશે તેની જવાબદારી સરકારની રહેશે તેવી ચીમકી પણ આપી હતી.