પાટણઃ શહેરમાંઉતરાયણ પર્વનુ અનેરૂ (Makar Sankranti 2022)મહત્વ છે. પતંગ રસિયાઓ જોર શોરથી આકાશી યુદ્ધ ખેલવા થનગની રહ્યા છે. પાટણ શહેરમાં નગરપાલિકા તંત્ર દ્વારા ફાળવાયેલી જગ્યાઓ ઉપરાંત શહેરના મુખ્ય માર્ગો તેમજ અંતરિયાળ વિસ્તારોમાં પતંગ દોરાના સ્ટોલ(Uttarayan in Gujarat 2022) કાર્યરત થયા છે. ઉત્તરાયણને આડે ગણતરીના બે દિવસ બાકી રહ્યા છે છતાં દુકાનોમાં સામાન્ય ગ્રાહકો જોવા મળી રહ્યા છે. અગાઉના વર્ષોમાં 15 દિવસ પહેલેથી જ શહેરની બજારોમાં પતંગ દોરીની ખરીદીનો માહોલ જામતો હતો.
કોરોના મહામારીના કારણે ભાવમાં વધારો
ચાલુ વર્ષે પણ કોરોના મહામારી અનેતોતિંગ ભાવવધારાને કારણે ઘરાકીમાં ઘટાડો જોવા મળી રહ્યો છે. રંગબેરંગી અને અવનવી ડિઝાઇનના પતંગોની એક કોડી 80 રૂપિયાથી લઈને 140 રૂપિયાના ભાવે બજારમાં વેચાઇ રહ્યા છે. જ્યારે કાચી દોરીના રીલ એક હજારથી લઈને પાંચ હજાર સુધીની રૂપિયા 120થી લઈને 600નારૂપિયાના ભાવે વેચાઇ રહી છે. તેવી જ રીતે 1 હજારવાર થી 5હજરવારની તૈયાર ફિરકીઓ રૂપિયા 150થી 1200 રૂપિયા સુધીના ભાવે વેચાઈ રહી છે. પતંગ દોરીના ભાવ વધારા મામલે પાટણના પતંગ દોરીના હોલસેલના વેપારી આશિષ મોદીએ જણાવ્યું હતું કે ચાલુ વર્ષે પતંગ બનાવવા માટેની વાંસની સળીના ભાવમાં વધારો તેમજ મજૂરી વધવાને કારણે પતંગોના ભાવમાં વધારો થયો છે તેવી જ રીતે ચાલુ વર્ષે કપાસના ભાવ વધતા રો મટીરીયલના ભાવ વધવાથી દોરીના ભાવમાં પણ વધારો થયો છે.