International Yoga Day 2021 - પાટણમાં રાણકી વાવ ખાતે આંતરરાષ્ટ્રીય યોગ દિવસને યાદગાર બનાવ્યો

આંતરરાષ્ટ્રીય યોગ દિવસ ( international yoga day 2021 ) નિમિત્તે પાટણની ઐતિહાસિક રાણકી વાવ પરિસર ખાતે પુરાતત્વ વિભાગ અને સંગીત નાટક અકાદમી ગાંધીનગરના સંયુક્ત ઉપક્રમે યોગ સાથે ભારતીય સંસ્કૃતિ વણી લઇને બન્નેના સમન્વય સાથે સંગીતના તાલે યોગ સાધકોએ વિવિધ મુદ્રામાં વરસતા વરસાદ વચ્ચે યોગનું નિદર્શન કર્યું હતું. જેને જોઇ ઉપસ્થિત લોકો મંત્રમુગ્ધ બન્યા હતા.

• પાટણમાં વિશ્વ યોગ દિવસની કરાઇ ઉજવણી
• રાણકી વાવ ખાતે યોગ સાધકોએ યોગ દિવસને યાદગાર બનાવ્યો
• વરસતા વરસાદમાં યોગ સાધકોએ કર્યા યોગાસન
• વાવના શિલ્પ સ્થાપત્યો વચ્ચે યોગની અલગ-અલગ મુદ્રાઓ કરાઈ
• સંગીત અને નૃત્ય સાથે યોગનો ત્રિવેણી સંગમ રચાયો

પાટણ : 21 જૂનના રોજ આંતરરાષ્ટ્રીય યોગ દિવસ ( International Yoga Day ) તરીકે ઉજવવામાં આવે છે. આ દિવસે સમગ્ર દેશમાં વિવિધ શૈક્ષણિક સંકૂલો, સામાજિક અને સ્વૈચ્છિક સંસ્થાઓ તેમજ વહીવટી તંત્ર દ્વારા અલગ અલગ જગ્યાઓ પર યોગ નિદર્શનના કાર્યક્રમો કરીને આંતરરાષ્ટ્રીય યોગ દિવસ ( International Yoga Day )ની ઉજવણી કરવામાં આવે છે. દરેક વ્યક્તિ નિયમિત રીતે યોગ કરી નિરોગી બને તેવો સંદેશો પણ આપવામાં આવે છે. ભારત સરકારના સાંસ્કૃતિક મંત્રાલયના 75 વર્ષ પૂર્ણ થતાં 7મા આંતરરાષ્ટ્રીય યોગ દિવસ ( International Yoga Day 2021 ) નિમિત્તે દેશના 75 સ્મારકો પર આંતરરાષ્ટ્રીય યોગ દિવસની ઉજવણી કરવામાં આવી હતી.

પાટણમાં વિશ્વ યોગ દિવસની કરાઇ ઉજવણી

યોગ સાધકોએ રાણકી વાવ પરિસરમાં વરસતા વરસાદ વચ્ચે અલગ-અલગ મુદ્રામાં યોગ નિદર્શન કર્યું

આંતરરાષ્ટ્રીય યોગ દિવસ 2021 ( International Yoga Day 2021 ) નિમિત્તે ઐતિહાસિક રાણકી વાવ પરિસર ખાતે ગુજરાત નાટક અકાદમી અને પુરાતત્વ વિભાગ દ્વારા યોગ દિવસને યાદગાર બનાવવા યોગની સાથે સંગીત અને નૃત્ય એમ ત્રણેયનો સંગમ કરવામાં આવ્યો હતો. જેમાં યોગ સાધકોએ રાણકી વાવ ( Ranaki Vav ) પરિસરમાં વરસતા વરસાદ વચ્ચે અલગ-અલગ મુદ્રામાં યોગ નિદર્શન કર્યું હતું.

વરસતા વરસાદમાં પણ ઉત્સાહ પૂર્વક યોગ સાધકોએ કર્યું યોગ નિદર્શન

ભારતીય સંસ્કૃતિના વારસા સમાન આંતરરાષ્ટ્રીય યોગ દિવસ ( International Yoga Day )ની પાટણમાં અનોખી રીતે ઉજવણી કરવામાં આવી હતી. વરસતા વરસાદમાં સવારના ખુશનુમાં વાતાવરણમાં ઐતિહાસિક રાણકી વાવ ખાતે યોગના વિવિધ આસનો કરી કલાના કસબીઓએ કલાનાકામણ પાથર્યા હતા. વરસાદ વચ્ચે પણ યોગ સાધકોએ ઉત્સાહપૂર્વક યોગ નિદર્શન કર્યું હતું. યોગએ ભારતીય સંસ્કૃતિની ધરોહર છે. પાટણની ઐતિહાસિક રાણકી વાવ ( Ranaki Vav ) ખાતે આંતરરાષ્ટ્રીય યોગ દિવસ નિમિત્તે ત્રિવેણી સંગમ જોવા મળ્યો હતો. કલાકારોએ ટ્રેડિશનલ ડ્રેસમાં રાણકી વાવ ખાતે પોતાનું પર્ફોમન્સ રજૂ કરી આંતરરાષ્ટ્રીય યોગ દિવસ 2021 ( International Yoga Day 2021 )ને યાદગાર બનાવ્યો હતો.

રાણકી વાવ ખાતે યોગ સાધકોએ યોગ દિવસને યાદગાર બનાવ્યો

આ પણ વાંચો -

International Yoga Day 2021 - ITBPના જવાનોએ 13000 થી 18000 ફૂટની ઉંચાઇએ યોગ કર્યા

International Yoga Day 2021- યોગ પ્રત્યે લોકોનો ઉત્સાહ ઓછો નથી - વડાપ્રધાન

International Yoga Day 2021 : મૂળભૂત રીતે અતિ સૂક્ષ્મ વિજ્ઞાન પર આધારિત આધ્યાત્મિક અધ્યયન વિષય