પાટણઃ શહેરના વેરાઈ ચકલા વિસ્તારમાં આવેલા પંચમુખી હનુમાન અખાડાના બ્રહ્મલીન નર્મદા ગીરી બાપુની ગુરૂ ગાદીના દર્શન અને આશીર્વાદ મેળવવા આવનારા માટે કોરોના મહામારીના સંક્રમણને ધ્યાનમાં રાખીને સરકારની ગાઈડલાઈન મુજબ જગ્યાના મુખ્ય પ્રવેશ દ્વાર પર સેનેટાઈઝરની વ્યવસ્થા મંદિરના ટ્રસ્ટીઓ દ્વારા કરવામાં આવી હતી. આ સાથે ભક્તો તેમજ શિષ્યોમાં સોશિયલ ડિસ્ટન્સ જળવાઈ રહે તેનું પણ ખાસ ધ્યાન રાખવામાં આવ્યું હતું.
નર્મદા ગીરી મહારાજની ગુરૂ ગાદી પર દર્શન માટે ભક્તોની ભીડ ઉમટી
નર્મદા ગીરી મહારાજની પાદુકાનું પૂજન કર્યા બાદ ચરણપાદુકાને ગાદી પર પધરાવી ભક્તોના દર્શન માટે મંદિર પરિસરમાં મુકવામાં આવી હતી. મોટી સંખ્યામાં ભક્તોએ ગુરૂ મહારાજની ચરણપાદુકા અને સમાધિના દર્શન કરી આશીર્વાદ મેળવ્યા હતા.