પાટણના કોરોનાગ્રસ્ત વિસ્તારમાં લોકોની અવર-જવર પર પ્રતિબંધ, કલેક્ટર દ્વારા આપાયું જાહેરનામું

પાટણના કોરોના ગ્રસ્ત વિસ્તારને કન્ટેનમેન્ટ એરિયા જાહેર કરી આ વિસ્તારના લોકોની અવર જ્વર પર રોક લગાવી દેેવામા આવ્યો છે. કલેક્ટર દ્વારા આ વિસ્તારમાં લોકોની અવર-જ્વર પર પ્રતિબંધ મુકતુ જાહેરનામું પ્રસિધ્ધ કર્યું હતુ.

પાટણઃ શહેરના રાજકાવાડા વિસ્તારના કોરોના ગ્રસ્ત રખતાવાડા તેમજ વેરાઈ ચકલા વિસ્તારના પટણીવાસમાં કોરોના પોઝિટિવ કેસ નોંધાતા વહીવટી તંત્ર દ્વારા આ વિસ્તારને કન્ટેનમેન્ટ એરિયા જાહેર કરી આ વિસ્તારના લોકોની અવર-જ્વર પર રોક લગાવી દેેવામાં આવ્યો છે. છતા કેટલાંક લોકો બિન જરુરી રીતે નીકળતા હોવાની ફરિયાદોને આધારે આજે જિલ્લા કલેક્ટર દ્વારા આ બન્ને વિસ્તારના લોકોની અવર-જ્વર પર પ્રતિબંધ મુકતુ જાહેરનામું પ્રસિધ્ધ કર્યું છે.

પાટણના કોરોનાગ્રસ્ત વિસ્તારમાં લોકોની અવર-જવર પર પ્રતિબંધ, કલેક્ટર દ્વારા આપાયું જાહેરનામું

પાટણ જિલ્લા મેજીસ્ટ્રેટર આનંદ પટેલ દ્વારા જાહેરનામું પ્રસિદ્ધ કરી પાટણ શહેરના રખતાવાડો પટણી વાસ, સાંચોરી વાસ તેમજ રસ્તાની આસપાસના પટણી વાસના સમગ્ર વિસ્તારમાં મેડીકલ ઈમરજન્સી અને આવશ્યક ચીજવસ્તુઓ કે સેવાઓનો પુરવઠો જાળવી રાખવાના હેતુ સિવાય કોઈપણ વ્યક્તિને જાહેર રોડ પર પસાર થવા અને અવર-જવર કરવા પર પ્રતિબંધ ફરમાવવામાં આવ્યો છે.

આ જાહેરનામું 15મે 2020 થી 29મે, 2020 સુધી અમલમાં રહેશે. આ હુકમનો ભંગ કરનારા સામે કાયદેસરની કાર્યવાહી કરવામાં આવશે.

સરકારી ફરજ અથવા કામગીરીમાં હોય તેમજ હોમગાર્ડ કે અન્ય સરકારી કે અર્ધસરકારી એજન્સી જેઓ કાયદેસરની ફરજ પર હોય તેઓને તથા સરકાર માન્ય વાજબી ભાવની દુકાનો તથા કેન્દ્ર/રાજ્ય સરકારના આદેશો હેઠળ જેઓને મુક્તિ મળવા પાત્ર છે. તેવા ઈસમોને તથા અધિકૃત અધિકારી દ્વારા ઈસ્યુ કરવામાં આવેલા પાસધારકોને આ હુકમ લાગુ પડશે નહીં.