રાધનપુર કોંગ્રેસના ધારાસભ્યની ધમકી આપતી ઓડિયો ક્લિપે ચર્ચા જગાવી

રાધનપુર કોંગ્રેસના ધારાસભ્ય રઘુ દેસાઈ નો જમીન લે વેચ ની ઉઘરાણી બાબતે ધમકી આપતો ઓડિયો ક્લિપ વાઇરલ થતાં પાટણ જીલ્લા નું રાજકારણ ગરમાયુ છેજોકે રઘુ દેસાઈ એ આ ઓડિયો ક્લિપ પોતાને બદનામ કરવાનું એક ષડયંત્ર હોવાનું જણાવ્યું હતું

• રાધનપૂરના ધારાસભ્યની એક વિવાદિત ઓડિયો ક્લિપ વાયરલ
• જમીન લે-વેચના મામલે ધારાસભ્ય આપી રહ્યા છે ધમકી
• ઓડિયો ક્લિપ બાબતે ધારસભ્યએ આપી સ્પષ્ટતા

પાટણ: જિલ્લાના રાધનપુરના કોંગ્રેસ ધારાસભ્ય રઘુ દેસાઈની એક ઓડિયો ક્લિપ વિવિધ સોશ્યલ મીડિયાના ગૃપોમા ફરતી થઇ છે. કથિત આ ક્લિપમાં ધારાસભ્ય જમીન લે વેચ મામલે કોઈની પાસે પૈસાની ઉઘરાણી કરતાં સંભળાય છે જેમાં તેઓ પૈસા ન હોય તો વ્યાજ ચૂકવવું પડશે અને જો વ્યાજ નહીં ચૂકવે તો લાંબો કરી દઈશ તેમજ અપશબ્દો બોલતા પણ સંભળાય છે.

આ પણ વાંચો : ઓડિયો ક્લિપ વાઇરલ મુદ્દોઃ ધારાસભ્ય અરવિંદ રૈયાણી કહ્યું- હું પોલીસ ફરિયાદ કરીશ

ધારાસભ્યએ આપી સ્પષ્ટતા

આ કથિત ક્લિપ મામલે ધારાસભ્ય રઘુ દેસાઈ એ સ્પષ્ટતા કરી જણાવ્યું છે કે આ ઓડિયો ક્લિપમાં અવાજ મારો નથી.કોઈએ મને બદનામ કરવા ષડયંત્ર રચ્યું છે. મારા દ્વારા કરવામાં આવતી સેવાકીય પ્રવૃત્તિઓને લાંછન લગાડવા માટે મને બદનામ કરવા ઓડિયો ક્લિપમાં ડબિંગ અવાજ કરી આ ક્લિપ ફરતી કરવામાં આવી છે. આ મામલે હું જાતે તપાસ માંગવાનો છું.

આ પણ વાંચો : ઇન્દ્રનીલ રાજ્યગુરૂનો ઓડિયો વાયરલ: રાજકોટ કોંગ્રેસના હિત માટે તમારે વિપક્ષનું પદ ન લેવું જોઈએ