પાટણના ઇસ્લામ્પુર ગામ નજીક અકસ્માત, 2 લોકોના મોત

પાટણ-સંખારી રોડ ઉપર ઇસ્લામ્પુર ગામ નજીક રવિવારે મોડી રાત્રે સ્વિફ્ટ ડિઝાયર ગાડીએ રિક્ષાને ટક્કર મારતા રિક્ષા ચાલક અને મહિલાનું મોત નીપજ્યું હતું, જ્યારે અન્ય 2 મહિલાઓ ગંભીર રીતે ઇજાગ્રસ્ત થઈ હતી. જેથી ઈજાગ્રસ્તોને સારવાર અર્થે હોસ્પિટલ ખસેડવામાં આવ્યા હતા તો આ અકસ્માતમાં રિક્ષાનો કચ્ચરઘાણ વળી ગયો હતો.

• પાટણના પઠાણ પરિવારને નડ્યો અકસ્માત
• અમદાવાદથી પરત ઘરે આવવા સમયે સર્જાયો અકસ્માત
• અકસ્માતમાં રિક્ષાનો કચ્ચરઘાણ વળી ગયો
  

  અકસ્માત

પાટણઃ જિલ્લાના બુકડીમાં આવેલી જુમ્મા મસ્જિદ પાસે રહેતા પઠાણ પરિવારની મહિલાઓ રિક્ષામાં અમદાવાદ ખાતે સંબંધીના ઘરે ગયા હતા અને પરત પાટણ આવી રહ્યા હતા, ત્યારે પાટણથી 20 કિલોમીટર દૂર શંખારી રોડ ઉપર ઇસ્લામ્પુર ગામ નજીક સામેથી ઝડપે આવી રહેલી સ્વિફ્ટ ગાડીના ચાલકે સ્ટેરિંગ પરનો કાબૂ ગુમાવી રિક્ષાને ટક્કર મારી હતી. જેથી રિક્ષાનો કચ્ચરઘાણ વળી ગયો હતો. આ ગમખ્વાર અકસ્માતમાં ગંભીર રીતે ઈજાગ્સ્ત રિક્ષાચાલક સાથે 4 વ્યક્તિઓને ધારપુર સિવિલ હોસ્પિટલ ખાતે સારવાર માટે ખસેડવામાં આવ્યા હતા. જ્યાં રિક્ષા ચાલક મોહસીન મન્સૂરી અને કુસુમબીબી શહીદખાન પઠાણનું મોત નીપજ્યું હતું.

સ્વિફ્ટ

2 વ્યક્તિના મોતથી વિસ્તારમાં શોક છવાયો

અકસ્માતની જાણ થતાં પરિવારજનો થતાં વિસ્તારના લોકો ઘટના સ્થળે અને ધારપુર સિવિલ હોસ્પિટલ ખાતે દોડી ગયા હતા. આ અકસ્માતમાં 2ના મોત થવાથી ગુલશનગર અને બુકડિ વિસ્તારમાં શોકની લાગણી છવાઈ હતી.