HNGU ઉત્તરવહી કૌભાંડનો મામલો ફરી ચર્ચામાં, કારોબારી સભ્યો અને કુલપતિને ACBની નોટિસ

હેમચંદ્રાયાર્ય ઉત્તર ગુજરાત યુનિવર્સિટી (HNGU-Hemchandracharya North Gujarat University)માં ઉત્તરવહી કૌભાંડનો મામલો (Answer Sheet Case) ફરી એકવાર ચર્ચામાં આવ્યો છે. 1 વર્ષ પહેલા કુલપતિ સહિતના કારોબારી સભ્યો (Executive members including the Chancellor) સામે ફરિયાદ કરવામાં આવી હતી અને 4 કરોડનું કૌભાડ થયું હોવાનો આક્ષેપ કરવામાં આવ્યો હતો, જેને લઇને ભુજ રેન્જ ACBના અધિકારીઓએ તત્કાલિન EC સભ્યોને નિવેદનો આપવા નોટિસો ઇસ્યુ કરતા ખળભળાટ મચ્યો છે.

• પાટણ હેમચંદ્રાચાર્ય ઉત્તર ગુજરાત યુનિવર્સિટી ફરી એક વાર ચર્ચામાં
• કુલપતિ સહિત કારોબારી સભ્યો સામે 1 વર્ષ અગાઉ ACBમાં ફરિયાદ થઈ હતી
• ACBના અધિકારીઓએ સભ્યોને નિવેદનો આપવા નોટિસો ઈસ્યુ કરતા ખળભળાટ

પાટણ: હેમચંદ્રાયાર્ય ઉત્તર ગુજરાત યુનિવર્સિટી (HNGU-Hemchandracharya North Gujarat University) છેલ્લા કેટલાક વર્ષોથી ભ્રષ્ટાચાર (Corruption)ના ભોરિંગમાં સપડાઇ વિવાદોનું પર્યાય બની છે. એક પછી એક ભ્રષ્ટાચારના આક્ષેપોથી યુનિવર્સિટીની પ્રતિષ્ઠા પણ ઝાંખી થઈ છે. તો વિદ્યાર્થીઓ પણ અભ્યાસને લઇને ચિંતિત બન્યા છે, ત્યારે 2017માં ખરીદાયેલી ઉત્તરવહી કૌભાંડનું ભૂત ફરી ધુણ્યું છે.

સમગ્ર કૌભાંડની તાત્કાલિક તપાસ કરવા ગુજરાત હાઇકોર્ટે આદેશ કર્યો હતો

ગુજરાત હાઇકોર્ટ (Gujarat High Court)ના આદેશ મુજબ ACB ભુજ દ્વારા તત્કાલિન કાર્યકારી સભ્યોને નિવેદનો માટે નોટિસો પાઠવવામાં આવતા ઉત્તરવહી કૌભાંડનો આ મુદ્દો શિક્ષણવિદ્દોમાં ફરી ચર્ચાનો વિષય બન્યો છે. ઉત્તર ગુજરાત યુનિવર્સિટીમાં ખરીદાયેલી ઉત્તવહી અને તેના કૌભાંડ મામલે ગુજરાત હાઇકોર્ટની ડબલ બેન્ચના જસ્ટિસ પાડીવાલા અને વૈભવી નાણાવટીએ આ સમગ્ર કૌભાંડની તાત્કાલિક તપાસ કરી પગલા ભરવા રાજ્ય સરકારને આદેશ કર્યો હતો.

રૂપિયા 4 કરોડનો ભ્રષ્ટાચાર કરવામાં આવ્યો હોવાનો આક્ષેપ

પાટણના ધારાસભ્ય ડો.કિરીટ પટેલ દ્વારા અંદાજે રૂપિયા 4 કરોડનો ભ્રષ્ટાચાર કરવામાં આવ્યો હોવાનો આક્ષેપ કરી ACBમાં નોંધાવેલી ફરીયાદ સંદર્ભે તપાસ કરી રહેલા ભુજ રેન્જ ACBના અધિકારીઓએ તત્કાલિન EC સભ્યોને નિવેદનો આપવા નોટિસો ઇસ્યુ કરતા ખળભળાટ મચ્યો છે.

1.7 કરોડનો ભ્રષ્ટાચાર થયો હોવાનું પ્રાથમિક તપાસમાં બહાર આવ્યું

પાટણના ધારાસભ્ય ડો.કિરીટ પટેલે જણાવ્યું હતું કે, ઉત્તરવહી ખરીદવા પાછળ રૂપિયા 1.7 કરોડનો ભ્રષ્ટાચાર થયો હોવાનું પ્રાથમિક તપાસમાં બહાર આવ્યું છે. આ ઉપરાંત વિવિધ 14 જેટલી બાબતોમાં ભ્રષ્ટાયાર થયો છે તે તમામ મુદ્દાઓ સાથે ACBમાં ફરીયાદ નોંધાવી હતી. અત્યારે એસીબીના અધિકારીઓએ EC સભ્યોને નોટિસો પાઠવી નિવેદનો આપવા જણાવ્યું છે. સરકાર નિષ્પક્ષ રીતે તપાસ કરે તેવી તેઓએ માંગણી કરી છે. બીજી તરફ પત્રકારો દ્વારા ACB તપાસ મામલે કુલપતિ ડો.જે.જે.વોરાના પ્રતિભાવો જાણવાનો પ્રયાસ કરાતા તેઓએ જવાબો આપવાનું ટાળ્યુ હતું.

આ પણ વાંચો: પાટણ પોલિસ હેડ ક્વાર્ટર ખાતે 'નહી નફો નહી નુકશાન' સાથે ફટાકડા સ્ટોલનો પ્રારંભ

આ પણ વાંચો: Police Grade-Pay: પાટણમાં પોલીસ કર્મચારીઓએ હાઈવે પર ચક્કાજામ કર્યો