બામરોલી ઓઇલ ચોરીના કૌભાંડમાં 4.92 લાખ સાથે 8 શખ્સ ઝડપાયા

પાટણ જિલ્લાના બામરોલી નજીક ખેતરમાં હોટલની આડમાં જમીનમાં લાંબી ટનલ બનાવી મુન્દ્રા ભટીંડા પાઇપલાઇનમાં પંચર કરી ઓઇલ ચોરીના મોટા નેટવર્કનો પાટણ LCB પોલીસે તાજેતરમાં પર્દાફાશ કર્યો હતો. પોલીસે 8 શખ્સને રોકડ, 2 ટેન્કર, એક સ્વીફ્ટ ગાડી, મોબાઇલ મળી કુલ 4,92,500ના મુદ્દામાલ સાથે ઝડપી પાડ્યા છે.

• સાંતલપુરના બામરોલી નજીક ઓઇલ ચોરીનો મામલો
• ઓઈલ ચોરીમાં સંડોવાયેલા ઇસમોને પોલીસે ઝડપ્યા
• ચોરીમાં ગયેલ 40 હજાર લિટર ક્રૂડ ઓઇલ પોલીસે કબજે કર્યું

પાટણ- બામરોલી નજીક ખેતરમાં હોટલની આડમાં જમીનમાં લાંબી ટનલ બનાવી મુન્દ્રા ભટીંડા પાઇપલાઇનમાં પંચર કરી ઓઇલ ચોરીના મોટા નેટવર્કનો પાટણ LCB પોલીસે તાજેતરમાં પર્દાફાશ કર્યો હતો અને આ ચોરીમાં સંડોવાયેલા આરોપીઓને ઝડપી પાડવા માટે પોલીસે અલગ-અલગ ત્રણ ટીમો બનાવી ચક્રો ગતિમાન કર્યા હતા. જેને પગલે 8 શખ્સને રોકડ, 2 ટેન્કર, એક સ્વીફ્ટ ગાડી, મોબાઇલ મળી કુલ 4,92,500ના મુદ્દામાલ સાથે ઝડપી પાડ્યા છે. પકડાયેલા આરોપીઓ પૈકી બે આરોપીઓ એસટી નિગમના બસ ડ્રાઇવર છે.

આ પણ વાંચો- વાંકાનેરમાં પાઈપલાઈનમાં ભંગાણ ઓઈલની ચોરી કરી, 3 ઈસમની ધરપકડ

મુન્દ્રા ભટીંડા ઓઇલ લાઇનમાંથી ઓઇલની ચોરી કરાઇ

સાંતલપુર તાલુકાના બામરોલી નજીકથી પસાર થતી મુન્દ્રા ભટીંડા ઓઇલ લાઇનમાંથી ઓઇલની ચોરી કરવામાં આવે છે, તેવી પાટણ LCB પોલીસને બાતમી મળતા વોચ ગોઠવી હતી. આ દરમિયાન બામરોલી નજીક એક ખેતરમાં પતરાના શેડવાળી હોટલ શંકાસ્પદ જણાતા પોલીસે તેની તપાસ કરતાં હોટલની પાછળના ભાગે ખેતરમાંથી દોઢસો મીટરના ભોયરા સાથેની ટનલ મળી આવી હતી અને અંદર ઉતરી તપાસ કરતા HPCLની મિત્તલ ફૂડ ઓઇલની લાઇનમાં પંચર કરી ટનલ મારફતે લાખો લીટર ઓઇલ ચોરીનું નેટવર્ક ચાલતું હોવાનું પ્રકાશમાં આવતા પોલીસ ચોંકી ઉઠી હતી.

ઓઇલ ચોરી કૌભાંડમાં 4.92 લાખ સાથે 8 ઝડપાયા

આ ચોરીમાં સંડોવાયેલા 8 શખ્સને LCB પોલીસે ઝડપી લીધા હતા

આ ચોરીમાં સંડોવાયેલા શખ્સને ઝડપી પાડવા માટે જિલ્લા પોલીસ વડા દ્વારા સૂચના આપી LCB, SOG સહિતની અલગ-અલગ ટીમો બનાવી તપાસના ચક્રો ગતિમાન કર્યા હતા. જેમાં આ ચોરીમાં સંડોવાયેલા 8 શખ્સને LCB પોલીસે ઝડપી લીધા હતા અને તેમની પાસેથી ચોરી કરેલા ઓઇલના વેચાણમાંથી મળેલા રોકડ રૂપિયા 1,70 હજાર, મોબાઈલ નંગ 9 કિંમત 22,500, સ્વીફ્ટ ગાડી રૂપિયા 3 લાખ, ચોરીમાં ગયેલા 40 હજાર લીટર ક્રૂડ ઓઇલ અને બે ટેન્કર મળી કુલ રૂપિયા 4,92,500નો મુદ્દામાલ કબ્જે કર્યો છે.

ઓઇલ ચોરી કૌભાંડમાં 4.92 લાખ સાથે 8 ઝડપાયા

કુલ 14 શખ્સે ભેગા મળીને આ ઓઈલ ચોરીના ગુનાને અંજામ આપ્યો

ઓઇલ ચોરીના નેટવર્ક અંગે પાટણ જિલ્લા પોલીસ વડા અક્ષય રાજ મકવાણાએ જણાવ્યું હતું કે, ઓઇલ ચોરીના આ ગુનાનું પગેરુ મેળવવા પોલીસ દ્વારા અલગ-અલગ ત્રણ ટીમો બનાવવામાં આવી હતી. જેમાં કુલ 14 શખ્સે ભેગા મળીને આ ઓઈલ ચોરીના ગુનાઓને અંજામ આપ્યાનું પ્રકાશમાં આવ્યું છે.

ચોરીમાં બે આરોપીઓ એસટી નિગમના બસ ડ્રાઇવર છે

ચોરીમાં બે આરોપીઓ એસટી નિગમના બસ ડ્રાઇવર છે. જેમાંથી અકબરભાઈ બેચરાજી અને આમદભાઈ રાધનપુર ડેપોમાં ફરજ બજાવે છે. આ બન્ને ડ્રાઇવરો મહેસાણાની ટ્રીપ વખતે અવારનવાર ભેગા થતાં મિત્રતા થઈ હતી અને આઠ મહિના અગાઉ ઓઇલ ચોરી માટેનો પ્લાન બનાવ્યો હતો. બામરોલી ગામના ખેતર માલિક રહેમતખાન સાથે વાત કરી રોજના એક લાખ રૂપિયાના ભાડા પેટે ઓઇલ ચોરી માટે ખેતર ભાડે રાખ્યું હતું. હાલમાં મુદ્દામાલ સાથે પોલીસે 8 આરોપીઓને ઝડપી લીધા છે અને બાકીના છ આરોપીઓને પકડવાના ચક્રો ગતિમાન કર્યા છે.

ઓઇલ ચોરી કૌભાંડમાં 4.92 લાખ સાથે 8 ઝડપાયા

આ પણ વાંચો- કચ્છમાં ઓઇલ ચોરીનો કિસ્સો આવ્યો સામે, 2 આરોપી વિરૂદ્ધ ગુનો નોંધાયો

પકડાયેલા આરોપીઓના નામ

• મલેક રહેમત ખાન ઉર્ફે રેમભા સાહેબખાન રહે. બામરોલી
• પટેલ અમૃતભાઈ શંકરભાઈ રહે જોટાણા જી. મહેસાણા
• સોલંકી અકબરખાન અહમદભાઈ રહે.ટાકોદી (એસ.ટી ડ્રાઇવર)
• મલેક આમદભાઈ મહંમદખાન રહે.બામરોલી ( એસટી ડ્રાઇવર)
• સોલંકી જાઉંલખાન અકબરખાન રહે. ટાકોદી
• સોલંકી મોસીનખાન સલીમભાઈ રહે. ટાકોદી
• મલેક અશરફખાન ઇશરફખાન રહે.વારાહી
• માનસંગ નટુભા ગોહિલ રહે વઢવાણ જી. સુરેન્દ્રનગર