ગોન્દ્રા વિસ્તારના કાલુશાહ સુન્ની મુસ્લિમ કબ્રસ્તાનમાંથી અંદાજિત 30 વર્ષના યુવકની હત્યા કરેલી હાલતમાં મૃતદેહ મળી આવતા ચકચાર મચી ગઇ હતી. વહેલી સવારે કબ્રસ્તાનના ટ્રસ્ટી દ્વારા કબ્રસ્તાનમાં યુવકનો મૃતદેહ હોવાનું પોલીસને જાણ કરવામાં આવી હતી.
ગોધરા ખાતે અજાણ્યા ઈસમની હત્યા કરીને ફેંકી દીધેલ હાલતમાં મૃતદેહ મળ્યો આ મામલે ગંભીરતા દાખવી જિલ્લા પોલીસ ડૉ. વડા લીના પાટીલ સહિત પોલીસ કાફલો ઘટના સ્થળે દોડી આવ્યો હતો અને ત્યારબાદ અજાણ્યા યુવકના મૃતદેહ મામલે પ્રાથમિક તપાસ શરૂ કરી હતી. પોલીસ દ્વારા કરવામાં આવેલ પ્રાથમિક તપાસમાં યુવકની હત્યા કરવામાં આવી હોવાનું સામે આવ્યું છે. યુવકના મૃતદેહ ઓળખ છતી ન થાય તેમાટે ક્રૂરતા પૂર્વક યુવકના ચેહરાને વજનદાર પથ્થર વડે કુરેદી નાખવામાં આવ્યો હતો. આ તરફ પોલીસને યુવકની ઓળખ છતી કરે તેવા કોઈ પણ પ્રકારના પુરાવા પહેરેલ કપડામાંથી મળી આવ્યા ન હતા. જેના કારણે યુવકના મૃતદેહની ઓળખ કરવી પોલીસ માટે એક પડકારરૂપ સાબિત થઈ હતી.
શંકાસ્પદ અજાણ્યા યુવકનો મૃતદેહ ઓળખ થઇ શકે માટે ગોધરા સહિત આસપાસના વિસ્ત્તારના લોકોનોનો સંપર્ક કરી કબ્રસ્તાન ખાતે બોલાવવામાં આવ્યા હતા. જો કે, સતત ચાર કલાકની જેહમત બાદ પણ યુવકની ઓળખ થઈ શકી ન હતી. પોલીસે યુવકના મૃતદેહને ગોધરા સિવિલ હોસ્પિટલના પોસ્ટમોર્ટમ રૂમ ખાતે મોકલી આપી હતી. આ મામલે પોલીસે અજાણ્યા ઇસમો સામે હત્યાનો ગુનો નોંધી વધુ તપાસ હાથ ધરી છે.
