આખરે સગીરાની ભાળ ન મળતા પોલીસ મથકે ફરિયાદ નોંધાવતા તપાસના ચક્રો ગતિમાન કર્યા હતા. શહેરા તાલુકાના ખરેડીયા નિશાળ ફળીયામાં રહેતો રમેશ ઉર્ફ ગટીયો જે વ્યવસાયે રીક્ષા ચલાવતો હતો. આ દરમિયાન 14 વર્ષીય સગીરા સાથે આંખ મળી જતા પ્રેમ થઈ ગયો હતો. 3-5-19ના રોજ સગીરા ખેતરમાં પશુ ચરાવા જાઉં છું તેમ કહી નીકળી હતી.
લગ્નની લાલચે રીક્ષાચાલકે સગીરાનું કર્યું અપહરણ
પંચમહાલઃ પંચમહાલ જિલ્લાના શહેરા તાલુકાની 14 વર્ષીય સગીરાને રીક્ષા ચાલકે લગ્નની લાલચ આપી ભગાડી જતા સગીરાના માતા-પિતા દ્વારા શહેરા તાલુકાના સગીરાની ભાળ મેળવા શોધખોળ હાથ ધરી હતી.
લગ્નની લાલચ આપી સગીરાને લઇ રીક્ષા ચાલક ફરાર
ત્યારબાદ ઘરે પરત ન ફરતા પરિવારજનોમાં ચિંતાનું મોજુ ફરી વળ્યું હતું અને પરિવારજનો દ્વારા સગાસંબધીઓને ત્યાં શોધખોળ હાથ ધરાતા સગીરા મળી ન હતી. વધુ તપાસ કરતા સગીરાને રીક્ષાચાલક રમેશ ઉર્ફ ગટીયો લગ્નની લાલચ આપીને ભગાડી ગયો હોવાનું માલૂમ થયું હતું. પરીવારજનોએ આ મામલે શહેરા પોલીસ મથકે ફરિયાદ નોંધાવતા પોલીસે અપહરણ સાથે પોક્સો હેઠળ ફરિયાદ નોંધી તપાસના ચક્રો ગતિમાન કર્યા હતા.