પંચમહાલ : દક્ષિણ ગુજરાતના વલસાડ જિલ્લાના રાબડા ગામમાં જન્મેલા રતનબેન એચ.પટેલ અભ્યાસમાં જ નાનપણથી ખૂબ જ હોશિયાર અને તેજસ્વી હતા.તેઓ હિન્દી વિષય પર સ્નાતક થયા ત્યારબાદ તેમને એમ.એસ.ડબલ્યુ નો કોષ અમદાવાદ ખાતે આવેલી ગુજરાત વિદ્યાપીઠ ખાતે કર્યો. 1973માં જીપીએસસીની પરીક્ષા પાસ કરીને તેમને પોતાની કારકિર્દીની શરૂઆત સમાજ કલ્યાણ અધિકારી તરીકે કરી.
જાણો એક સરકારી મહિલા અધિકારીએ શા માટે અધ્યાત્મનો માર્ગ પસંદ કર્યો?
1974થી 1977 માં સેલવાસ ખાતે સમાજ કલ્યાણ અધિકારી તરીકે તેમણે ફરજ બજાવી. ત્યારબાદ ભરૂચ, પંચમહાલ,સાબરકાંઠામાં વર્ગ-1 ના અધિકારીઓ તરીકે પણ સેવા આપી. તેમની સેવાઓની સારી કામગીરીને લઇને તેમને ગાંધીનગર ખાતે ડેપ્યુટી ડાયરેક્ટર તરીકે 1992માં નિમણૂક આપવામાં આવી. ત્યારબાદ તેમને સ્વૈચ્છિક નિવૃતિ લીધી. 38 વર્ષની નોકરી બાદ રતનબેન પટેલે 2003થી સમર્પણ જીવનની શરૂઆત કરી.