ગોડાઉનને બનાવવામાં આવી સોસાયટી, મતદાર નોંધણી અધિકારીએ આપ્યા તપાસના આદેશ

પંચમહાલ: જિલ્લાના મુખ્ય મથક ગોધરામાં ખાનગી ગોડાઉનને સોસાયટી તરીકે દર્શાવવામાં આવી છે. આ ઉપરાંત મતદાર યાદીમાં 224 જેટલા પરપ્રાંતીય મતદારોના નામ દાખલ કરી દેવામાં આવ્યાં છે. જેથી મતદાર નોંધણી અધિકારી દ્વારા તપાસના આદેશ આપવામાં આવ્યા છે.

ગોધરાના ભુરાવાવ વિસ્તારમાં એક ખાનગી ગોડાઉનને મતદાર યાદીમાં અજગર પાર્ક સોસાયટીના નામે દર્શાવવામાં આવ્યું છે અને સોસાયટીમાં રહેનારા 224 જેટલા પરપ્રાંતીય મતદારોના નામ પણ મતદાર યાદીમાં દાખલ કરવામાં આવ્યા છે. જ્યારે અહીંયા રહેનારા પરપ્રાંતીયની સંખ્યા માત્ર 15થી 20ની છે. જેથી મતદાર નોંધણી અધિકાર દ્વારા નગરપાલિકા વિસ્તારના મતદાર નોંધણી અધિકારીને 7 દિવસની અંદર સમગ્ર મુદ્દે તપાસ કરવાના આદેશ આપવામાં આવ્યા છે.