નારાજ પ્રભાતસિંહનું ‘અભી બોલા-અભી ફોક’, કહ્યું- હું પાર્ટી સાથે જ છું

પંચમહાલઃ જિલ્લાના ગોધરા ખાતે મુખ્યપ્રધાન રૂપાણીનું હેલિપેડ પર સ્વાગત કરવામાં આવ્યું હતું. ભાજપના આ વખતે રિપીટ ન કરવામાં આવેલા સાંસદ પ્રભાતસિંહ ચૌહાણે CMનું સ્વાગત કર્યું હતું.

આ સાથે જ મુખ્યપ્રધાન સાથે પ્રભારી પરાક્રમસિંહ જાડેજા, પ્રભાતસિંહ ચૌહાણ, જેમની પર પ્રભાતસિંહએ ગંભીર આક્ષેપ કર્યા હતા. તે શહેરના ધારાસભ્ય જેઠા ભરવાડ પણ આ ઉદ્દઘાટનમાં ઉપસ્થિત રહ્યા હતા. મધ્યસ્થ કાર્યાલયનું ઉદ્ઘાટન કર્યા બાદ મુખ્યપ્રધાન સહિત તમામ નેતાઓ ગોધરાના મહેંદી બંગલો સ્થિત સભા સ્થળે પહોંચ્યા હતા.

મહત્વનું છે કે, મુખ્યપ્રધાન સાથે પ્રભાતસિંહ ચૌહાણ, જેઠા ભરવાડ, પરાક્રમસિંહ જાડેજા, સી.કે.રાઉલજી, પ્રભાતસિંહ ચૌહાણના પુત્રવધુ અને કાલોલના ધારાસભ્ય સુમન ચૌહાણઅને હાલના પંચમહાલ લોકસભા બેઠકના ઉમેદવાર રતન સિંહ રાઠોડ સહિતના જિલ્લા ભાજપના અને સંગઠનના અનેક નેતાઓ ઉપસ્થિત રહ્યા હતા.આ સભા સ્થળે જ મુખ્યપ્રધાન વિજય રૂપાણીએ વડાપ્રધાન નરેન્દ્ર મોદીના 'મૈં ભી ચોકીદાર' કાર્યક્રમ જીવંત નિહાળ્યો હતો. આ કાર્યક્રમ નિહાળવા માટે મોટી સંખ્યામાં ભાજપના કાર્યકર્તાઓ પણ ઉપસ્થિત રહ્યા હતા.

થોડા દિવસ પહેલા પંચમહાલના પ્રભારી પરાક્રમસિંહ જાડેજાએ નારાજ સાંસદ વિશે પ્રતિક્રિયા આપતા જણાવ્યું હતું કે, ‘ઘી ના થામ ના ઘી ભળી જશે’ અને ટૂંકા દિવસોમાં આપ હાલના ઉમેદવારના સમર્થનમાં પ્રભાતસિંહને પ્રચાર કરતા જોશો તે જ વાતને સમર્થન આપતા દૃશ્યો પણ આ સમગ્ર કાર્યક્રમ દરમ્યાન જોવા મળ્યા હતા.

આ સમગ્ર બાબતે પ્રતિક્રિયા આપતા પ્રભાતસિંહ એ ફેરવી તોડ્યું હતું એમને જણાવ્યું હતું કે પોતે વિરોધમાં છે એવું નિવેદન આપ્યું જ નથી અને એવું કહેવા વાળો મૂર્ખ ગણાય, જો કે વિલા મોઢે પ્રભાતસિંહેજણાવ્યું કે અમે હાલના સાંસદને જંગી બહુમતીથી જીતાડાનીવાત કરી હતી. જો કે થોડા દિવસ પહેલા જેમના પર ખૂબ જ ગંભીર આક્ષેપો પ્રભાતસિંહ ચૌહાણ દ્વારા કરવામાં આવ્યા હતા. તે જેઠા ભરવાડ પણ આ કાર્યક્રમમાં સાથે જ જોવા મળ્યા હતા. જો કે તે અંગે પ્રભાતસિંહ એ બોલવાનું ટાળ્યું હતું.