500 રૂપિયામાં MGVCLનો કર્મચારી ફસાયો, લાંચ લેતા ACBના છટકામાં ઝડપાયો

પંચમહાલ જીલ્લાના ઘોઘંબા ખાતે આવેલી મધ્ય ગુજરાત વીજ કંપનીમાં ફરજ બજાવતા લાઇનમેનને માત્ર ૫૦૦ રૂપિયાની લાંચ લેતા ડિકોયરની મદદથી પંચમહાલ એસીબીએ ઝડપી પાડ્યા હતા.નવાઈની વાત એછે આ લાઇન મેન ખેતરમા મોટર લગાડવા માટે લાંચ લેતા ઝડપાઈ ગયા હતા. હાલ એસીબીએ ગુનો નોંધી કાયદેસરની કાર્યવાહી ધરી છે.

પંચમહાલઃ ઘોંઘબા તાલુકાના ગ્રામીણ વિસ્તારમાં એમજીવીસીએલના કેટલાક કર્મચારીઓ અરજદારો પાસેથી ખેતરમાં વીજકનેકશનના નવીન મીટર લગાડવાના નામે 1000-500 રબપિયા લેતા હોવાની પંચમહાલ એસીબીને ફરિયાદ મળી હતી. તેના પગલે પંચમહાલ એસીબી દ્રારા ડિકોયરનો સહકાર મેળવી ટ્રેપગોઠવામા આવી હતી.જેમા ઘોંઘબા એમજીવીએલ કચેરીમાં ફરજ બજાવતા જશુભાઈ હીરાભાઇ પરમાર પોતે ડિકોયર પાસેથી ખેતરમાં વીજકનેક્શનનું નવીન મીટર લગાડી આપવાના કામે રૂપિયા 500ની લાંચની માગણી કરી હતી.જેના પગલે વડોદરા એકમના ઇ.ચા મદદનીશ નિયામક એન.ડી.ચૌહાણના માર્ગદર્શન હેઠળ ગોધરા એસીબી પોલીસ સ્ટેશનના પીઆઈ આર.આર.દેસાઈ અને પીઆઈ જે.એન ડામોરની ટીમ દ્વારા ગોઠવામા આવેલ છટકામાં લાઇનમેન જશુભાઈ ઝડપાઇ ગયા હતા.આ અંગે એસીબીએ ગુનો નોંધી વધૂ તપાસ હાથ ધરી છે.