પંચમહાલના શહેરા તાલુકાના 6 ગામોની પેટાચૂંંટણીનું શાંતિપૂર્ણ મતદાન સમાપ્ત

પંચમહાલઃ શહેરા તાલુકાના 6 ગામોની ગ્રામપંચાયતની ચૂંટણી શાંતિપૂર્વક માહોલમાં સંપન્ન થઈ છે. તમામ ગામના મતદારોએ ઉત્સાહ સાથે પોતાના મતાધિકારનો ઉપયોગ કર્યો હતો.

પંચમહાલ જિલ્લાના શહેરા તાલુકાની છ ગ્રામ પંચાયતની સરપંચ અને સભ્યપદની પેટાચૂંટણી માટે આજે મતદાન થયુ હતું. તાલુકાના વિજાપુર, ગુણેલી, કવાલી, મંગલપુર, ચોપડા ખુર્દ, ભેંસાલ ગ્રામપંચાયત માટે મતદાન થયું હતું.

સવારથી જ મતદાન મથક ખાતે મતદાન કરવા માટે મહિલા અને પુરુષ મતદારોની લાંબી લાઈનો જોવા મળી હતી. તમામ ગામોમાં મતદાન દરમિયાન કોઈપણ જાતનો અનિચ્છનીય બનાવ બન્યો ન હતો. પોલીસ બંદોબસ્ત વચ્ચે લોકોમાં ચૂંટણી માટે ઉત્સાહ જોવા મળ્યો હતો.