પંચમહાલ : રંગોનો તહેવાર હોળી નજીક આવતાની સાથે કસુડો ખીલી ઉઠ્યો છે.આજના આધુનિક જમાનામાં કેમિકલયુક્ત રંગોએ કેસુડાના ફૂલોને જાણે કે ભૂલાવી દીધા છે. કેસુડાંના ફૂલો ઉનાળાના દિવસોમાં તો જંગલ વિસ્તારોની શોભા વધારે છે. પરંતુ આયુર્વેદની દ્રષ્ટિએ ગુણકારી ગણવામા આવે છે.જે એન્ટી ઓક્સિજનનૂ કાર્ય કરે છે.જેના પાણીથી સ્નાન કરવાની ચામડીના રોગો દૂર થાય છે.
ફાગણ મહિનો આવતા ખાખરાના વૃક્ષ ઉપર ધોમધખતા તાપમાં કેસૂડાના ફુલ ખીલવા માડે છે.કેસુડાં જેવા બહુગુણી ફૂલોના રંગો વડે જો ધૂળેટી મનાવવામાં આવે તો તહેવારોની મજા સાથે સ્વાસ્થયની સાથે પ્રકૃતિની જાળવણી પણ થાય છે.આર્યુવેદિક ડોકટરો પણ બજારમા મળતા કલરફુલ રંગોને બદલે કેસુડાના ફુલથી હોળી ધૂળેટીનો તહેવાર રમવાની હિમાયત કરે છે.પંચમહાલ જીલ્લામાં ખાખરાના વૃક્ષો ઉપર કેસરીયા રંગના કેસૂડા જોવા મળી રહ્યા છે.ખાખરાના વૃક્ષ ઉપર કેસુડાના કેસરી ફુલોથી પ્રકૃતિ ખીલી ઉઠી છે.